O Fondo bašo renoviriba khera saste si finansirime taro EU proektoa a o total love si 150.000 eura. Akale lovendar 135.00 eura ka oven direktno dende ko tamikeribaskere em rekonstruktivno aktia, a o 10% jail 15.000 eura ka oven te kerel pe proekti bašo renoviriba . O dizutne so sukcesiale ka aplicirinen ka oven selektririme thaj nane te lem keš love numa tamikeribaskoro materialisa baši intervencia (čhijbe PVC artikloa, nevikeriba I fasada thaj krovno rekonstrukcia). Akaleske ka hramosarel pe tenderi. Prekal o plani akale aktivitetenge ka startujnen ko anglonilaj ko 2023 berš.
O apliciribe ka startujnel ko 21 septembro (trintodi) ko 10:00 časo. Ka šaj te aplicirinel pe sako bukjarno dive taro 10:00 dži ko 14:00 saati ki mesno zaednica “Dimitar Vlahov” ki mahala Bair sa dži ko 7 oktobri (Paraštui) dži ko 14.00 saati. So legatrela pe dži ko kriteriumia majbaro akcenti si čhivdo ki fizičko situacia e objekteskoro. Prioriteto si len e familien so si samohrano jeria, butdženengere familie . familie so isi pherdo phure manuša (socio ekonomikane kriteriumia).
O fondi ka realizirinel o proekti ko nekobor faze. I avgo si keriba data baza so ka keren pe prekal terensko aktiviteto. Prekal o kampanje baši legalizacia, O timi bašo suporto e Baireske (BST) aktivno kerel ki mahala thaj komunicirinela e Romencar resarinaja te ovel olen saste informacie bašo kriteriumia ko apliciriba.
Okola familie so legaliziringje pire khera thaj sii len dokumentia kherenge tari kerdi legalizacia ka šaj te aplicirinen. Trujal akaja fundavno dokumentacia o aplikantoa trubul te den notarsko zaverimo lil kaj si Romano nacionaliteto so bešela ki romani mahala Bair kopija tari lično karta, fotografija taro avrutno dikhiba e khereske. I aplikacia valjani te ovel saste pherdi aso o niamia aplikaciake.
