Akana sig ki Agenda ko Konsilo e dizjake Skoopje sine dendo propozalo te kerel pe trampa thaj dopheriba ko Budžeti e dizjake Skopje bašo 2022 te den pe love paše 10 milionia denaria (paše 150.000 eura) an I kategoria tamikeriba thaj rekonstrukcia lokalno droma, kategoria 482 thaj aver tamikeribaskere aktivitetia ki maškarkomunakere kolaboracie ki rekonstrukcia thaj sanacia ko drom Maksut Sadik ki Topaana. Numa odova amandmano tari dizjakoro šerutno e dizjake Skopje I Danela Arsovska sine irame argumentoa kaj I nukta ekologia našti te tiknjarel pe o budžeti.
O konsiliari Erdjan Selim tari konsiliareskiri grupa taro VMRO DPMNE thaj I koalicia vakerela:
“ Mangav te dav jekh tikno rekapitulari soske kerel pe buti, thaj soske dengjum asavko amandmani soske akava drom si but lošno so si ko Makust Sadik. Kerel pe lafi bašo jekh bisterdo drom but frekfentno , milja vordona nakhena odothar sako dive thaj si ko centralno regioni e dizjake Skopje so konektirinel pe e komunaja Čair“. .
O Selimi vakergja kaj I inicijativa chidingja taro korkoro Roma so dživdinen ki Topaana. Rekonstrukcijaja akale dromeske ka lokharel pe I frekfencia.
O amandamni bašo trampa em dopheriba e budžeteske e dizjake Skopje bašo 2022 valjani em love ko učipa taro 3 milionia denaroa (50.000 eura) ki programa sport thaj rekreacia , kategoria 482 thaj aver tamikeribaskere bukja ki realizacia e proektoske rekonstrukcia fudbalsko stadioneske taro FK Napredok – 65, Šutka.
Akava da amandmani tari rig e kabineteske tari Arsovska na sine akceptirime “O stadioni si ki jekh but esktremno bilačhi situacia thaj našti odothe ikerel pe treningo thaj te khelen pe mečia . Em akana dikhen ki mahala kote isi 40.000 dizutne, Šuto Orizari nane la piro stadioni e klube kote te khelel ple mečia. Em nane len arka nisavi” vakerel o Selimi.
Ov vakerel kaj angleder desave divesa o FK Našredok valjani sine te khelel oficialno meči em sine phanlo lafi kaj ka khelen le avrial tari pli komuna, ko aver stadioni, numa odothe iklile nesave manuša so na mukhle te khelel pea kava oficialno meči.
„Čače si bibaht asksala čhave panda sar terne te dikhen sar si diskriminirime em bibahtale” vakergja ov.
