Restorani rekreativno bazentea ki komuna Šuto Orizari ki piri oglasno table sine le notacia kote sine hramojme “ Dujtodi salde e Romenge” kote na sine mukhle ko avera dive tešaj khuven ko bazenti te nangjon kote so direktno agjaar diskriminiringje e Romen prekal olengoro etnikumi I čhib thaj I rasa.
Akava notiringja I Komisia ko čhinavipa thaj protektiba baši diskriminacia palo dendo dekreto akale akteske ko nakhlo nilaj kana terne Roma na sine mukhel ko akava bazenti
Ki prestavka dji ki Komisia sine notirime kaj ko bazenti khuvena sine sa aver nacionalitetia numa na sine mukhle salde o Roma kote em verbalno em hramosarde sine notirime kaj na troman te mukhen e Romen numa salde ko dujtodi šaj khuvena.
„I Komisia ki analiza sar argumrenti lelja em o hrmosardo li, ki table ko bazenti “O Roma salde ko Dujtodi”. Trujal so ola an I piri reakcia o bazenti negirinela akava , I Komisia notirinel kaj salde so sine hramosardo ki table si argumenti kaj o bazenti diskriminiringja e Romen prekal lengoro nacionaliteti thaj identiteti kaj si Roma thaj ko odova objekto si lens are niami te khuven kana mangena “ vakeren tari KSZD
I Koomisia dengja propozalo dži ko bukjarne akale kompleksoske thaj e gazdaske taro restorantni ma te keren asavko akti aver drom kote diskriminirinen desave etnikume thaj vazden I diskriminacija mujal o Roma.
