Milja demonstrantia tari I romani jekhin an I Grcia erati marširingje ki Atina thaj Solun a o lideria e organizaciengere apeliringje te oven tromale palo o meriba e tinejdžereslle Kostas Fragulis o 16 beršengoro terno Rom so persi kurko sine ratvardo ko vakti tari policiakiri racia sebepi napukume benzini.
Paše 2.500 demostrantia ko Solun kote so o tinejdžeri dživdinel sine a asavko protesti sine em ki Atina kana o studentosa thaj o anarhistia akhargje ko protestia sebepi oleskoro meripa.
O grčko mediumia editiringje kaj o demnostarantoa tharena sine gume ko vakti taro protestoa ko nekobor kotora tari I them vakeren o mediumia.
I them na notiringja o anav e tinejdžereskoro vama I paše familia identifikujngja ole sar Kostas Fragulis, so sine šprandime thaj sine le jekh čhavo.
-Akate savore rovena nane šukar čhavoo te džal špeslke agjaar vakergja o sekretaro e romane jekhinale Andonis Tasios kaj so dćivdinel sine o tinejdćeri o Frangulis. Ov sine hospitalizoirimo ki intenzivno nega pali urgentno hiruško intervencia palo o phajrariba a o parubiba si notirime bašo avdive.
I policia ko Solun vakerela kaj paše 50 manuša iklile anglal o universiteteskoro kampusoi thaj frdingje nekobor molotovo koktelia upral I policia so paldel sine e demonstranten so sine stacionirime ko pašipe. Nane informacie bašo ratvrade.
O tinejdžeri sine khuvdo ko šero taro policajco ko motori ko vakti kana gele pala leste te sataren ole soske o terno špherga po vrdon benzinea em našlja na pukjingja a o borči sine 20 eura.
O policajco ko vakti taro krisib avakergja kaj šhajrargja te šaj ačhavel o kamniote em kaj manglja te šphajrarel ko gume ama o kamioneti chidingja te uštabel leskere kolega motorea em odoleske phajrargja ko gume a an ko tinejdžeri.
O policajco si suspendirime ko paraštiuj thaj došperavdo akteske mudaripa thaj namukhlo istemalkeriba jagali špastra . E meripaka e tinejdžeresk akana majpakjavutne o akti ka ovel iramo sar mudaripa taro naskldiba. Ko maškar vakti I Internacionalno Romani Unia IRU thaj olakoro presidenti o Zoran Dimov bićčhavgje sar protesno nota dži ko grciakere institucie, saste ki Ambasada e grciakiri ki Utarali Makedonia angleder jekh kurko a ola akana dengje informacia dži ko IRU kaj ko majsig vakti ka bićčhaven piri oficialno informacia akale akteske.
