I romani čhib ko Prizren kerel pe lafi taro 14 veko . Arakhel pe tari kustik ki kustik em si notirime an I literature, Ko agorutne 20 berša o Roma taro Prizren rodena I romani čhib te ovel oficijalizirimi ki komuna Prizren, Trujal so sine nekobor droma mangipa odova rodaripa na sine konkluzirime. Angleder 6 masekoa sine formirimi koalicia taro NGO sektori so dengje rodaripa dći ki komuna Prizren te istemalkerel pe I romani čhib ki tradicionalno forma.
Akaja koalicia angažiringja em eksperto te kerel o dokumentoa argumentoncar te verifikujnel pe I romani čhib sar oficialno so pli signature dengje 10 romane intelektualcia a olengoro rodaripa sine suportime em taro buteder NGO organizacie em naromane so keren buti ki komuna ŠPrizren. Ko septembro 2022 berš o netvorko taro NGO organizacie organiziringje jekh mediumsko konferencia kote informiringja kaj bašo deiba rodaripa dži ki komuna Prizren em informacie avre aktenge so ka keren pe. Akaleske kergja lafi em o Osman Osmani direktori e organizaciake Nevo Koncepti so legarel sine o proekti baši avokacia ko institucie ki akcepcia e romane čhibjake ko oficialno istemalkeriba ki komuna Prizren. O proekti si suportime taro Konsilo Europakoro ko pervazia e proekteske ROMACTED.
Link: https://www.newipe.net/2022/11/22/romski-jezik-priznat-kao-sluzbeni-u-opstini-prizren/
