O nevo ministeri an o MAB Oliver Spasovski ko agorutno periodi došperavgja bašo kerde devijantno istemalkeriba upral i funda taro mujendar dende dekretia
rigatar taro Šovto uprava bašo nakanonikane dejbe ingerencie te istemalkeren pe nadkeretirime bodigardi thaj istemalkeriba vordona so si telel ingerencie taro Ministeriumi bašo andrune bukja. Maškar o javer džene sinde anavkerdo thaj o deputati an o makedonikano parlamenti thaj prezidenti e Sojuzi e Romengoro o Amdi Bajram.
Ko akala došperavina rigatar taro ministeri taro MAB o Spasovski, piro demanto dengja thaj o deputati Amdi Bajram. Ov anglal o žurnalistia vakergja: " Ni jekh drom na istemalkergjum vordon taro MAB, numa sium sine ko vordon ko vakti kana ministeri sine o Ljube Boškovski. But si tele ko asavko čhani te došperavel pe" notiringja o Bajram.
