Ki Šutka bajrol o numero mule bebia sebepi so nane ginekologo

Nanipa ginekolog an o Šuto Orizari anel baro numero neve bienade čhave so si len anomalie thaj majbut meripa taro Romane bebia. I biradžakiri organizacia "Ambrela" vakerel kaj an i Šutka isi paše 8.000 romane džuvlja so si ko reproduktivno periodi kaske urgentno valjani ginekologo.

 

O bonusi tari 250 eura sako masek so del o Ministeriumi bašo sastipa e ginekologoske,so ka mangel te kerel buti nane but. Odothar vakeren kaj o love nane but te šaj funkcionirinel jekh ginekološko ordinacia. I doktorka Jagoda Šahpaska akcentirinel kaj o nivelo so merena bebia legarel 9 bebia ko 1000 biande so si baro numero. Sar problemi akcentirinel kaj odova si soske nane ničale ginekološko kontrole kote palo odova aven komplikacie.

O ministeriumi bašo sastipe dži akana havljargja pandž konkursia bašo ginekologo ki Šutka. Akava drom dela thaj masekoskoro bonusi, thaj sa dži kote na avel ginekologo, trin droma ko kurko ka aven ginekologia taro Čairi.

 

Pin It
FaLang translation system by Faboba

Mangava te vakerav

Momentalno Online

       Isi 271 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali