Palo buteder deceniakoro problemo taro agjaar vakerde „fantomia“ ki them majpakjavutne avel o agor. O aktiviteto taro NGO sektori (majbut romano) ki kolaboracia e themakere instituciencar (MTPS, Pravda, MVR thaj avera) akana si lačhi. Ko agor si fiunalizacia em ando kanoni thaj telokanonia kote ka registririnepe o 700 persone so na sine len nisavi dokumentaciua baši personalno identifikacia. Pendžaribaja o profilo odole manušengoro nane sine te keren odova akti te na kergje bare aktivitetoa (analize, terenski , logistikane, birokratsko em avera) dengje piro pridones odola 16 NGO , asociacie. I ekonimsko faktori em sasoitno statusi odole manušengoro (sine barikada ki odoja procedura.
Odothe valjani te vakeren pe em o kanonia te šaj te registririnen pe si sar rezultati tari lačhi komunikacia em kolaboracia ko optimalno faisalia . Akana valjani te anen pe telakanone aktia em aver procedure te ikljol pe tari akaja situacia. Akala akcie em kanonia ka oven valdino em pali kerdi akcia te sine aver da persone te hramosaren pe.
Sa o anglutne bariere e neve dende propozal kanonia sine elminirime em kergje o „fantomia“ te resen dokumenti so palo odova ka lokharen i procedura so ka šaj te implementirinen o niamia ko sasoitnipa sar so si edukacia, buti, sastipa kherutnipa em avera.
I resarin sine baš odova o NGO em o institicie arakhle adekvatno faisalkeriba. Akana trubul te kerel pe finišo em lokheste implementacia.
Akava si fakti kaj sa isi faisalia kana manuš mangela te kerel khančli Alava kanoni neka ovel agzamplo em motivo avere da problemenge kana kerel pe barabutni kolaboracia em komunikacia ko lačho nivelo em isi faisalia bašpi sako situacia.
Miro mesažo si em dži ko politikano faktori (majbut o romano) . Akava te ovel lenge sar egzamplo sar trubul te keren maripa pire jekhinake em pire manušenge . O Romano NGO sektori akale agzamploa sikavgja kaj nane salde telal i prizma taro „love em proektoa“ numa valjani em buti, em zori te agorkerel sukcesiale i buti šore jekhinake . Trubul te akcentirinel pe kaj pire aktivitetia o Netvorke taro sistemsko em lungovakteskere afisalija taro akala 16 NGO majbut olendar romane majodoriga ka oven mobilno em ka dikhen i sasti procedura sar oimplementirinel pe akava kanoni em ko jekh ka keren aver aktivitetoa.
