O anav tari Poli Verner si konektirime sar agitatori thaj promoteri ki Kampanja mujal o nasvalipa - kancer. Oj si lipardi palo odova so muravgja plo šero sar teloikerin sa enasvalenge taro kanceri.
Oj hošingja odoja dukh kana plo dživdipa taro akava nasvalipa našavgjha thaj muli olakiri daj 60 beršengiri Elen Rouz kana ko juni 2015 berš sine lake diagnosticirime kanceri an o krlo. O nasvalipa but sigate progresiringja thaj i nakhlo kurko oj muli.
O 29 beršengoro Almir Ismaili taro Skopje , si terno romano čhavo so ko agorutno periodo sine pendžardo e auditoriumoske ple lejbaja than an o pendžardo muzikakoro realno šou "Na ista adresa". Palo avgo prezentiripa akale šouske sine presia kote o Almiri ka ovel jekh taro šerutne favoritia akale šouoske. Numa taro desave karane o organizatori čhinavgja akava šou, thaj o baro talenti (majanglal muzikakoro thaj vokalno), ačhilo na prezentirime dži ko agor o Almiri.
O Almiri si romano čhavo taro Lisiče thaj pendžardo si buvle publikake prekal lendo than an o pendžarutne regionalno muzikakere đoua sar so si M2, X Faktor thaj aver.
I grupa Vitsa Ramanush si fondirimi an o 2006 berš . I grupa nane numa bendi romane muzikake thaj khelibaske. Anglal sa ola si "vast" kulturakere agitaciake tari rig e Romane nagovermenteskoro organizacia an o Brasil - Romano Prhalipen. I grupa Vitsa Ramanush sar Romani grupa taro Brasil si avgo so lela than an i Purabali Europa. I grupa si saikerdi taro muzičaria, vikalia thaj danceria. Ola sakote sikevn thaj reflektirinen i Romani kultura prekal tradicionalno muzika thaj tanci.
O Vitsa Ramanush bašaven sakote. O koncertia ikeren pe ko hale NGO, univerzitetia, parkia thaj aver. Dži akana lele than an o buteder internacionalno muzikakere festivalia an i lumia. Olengere muzikaja thaj performancocar zapendžardje pe an i Slovakia, Afrika, Francia, Špania. Vitsa Ramanush lele than ko buteder pendžarde festivalia thaj bašalgje pendžarde romane muzikakere artistoncar sar so si Esma Redžepova (Makedonia) Caravan Familia (Ungaria), Romonica (Poland), Superstar Orcestar (Estonia), Zingara Musica Gitanos (Argentina) Martina Balagova (Čehia) Ansambl "Simona 202" (Bugaria). Kachusha Kozubek (Berlin) thaj aver.
Si but diferentno stilia e Romane muzikake. O Romane folk gilja thaj balkansko stili tari muztika e Romengiri tari ex Yugoslavia, Bugaria thaj Grcia ostemalkeren instrumentia anavkerdo sar buzuki so si paše e hidusko instrumenteske anavkerdo sar "Vina" so bašaven sine an i Hindusko muzika. Šelberšipaja o manuša mangen sine taro romane gilja thaj kheliba.
|
Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека |
6-to Romano Čhavorikanoo muzikakoro festivali
„Čhavorikano Suno 2022“ – SP BTR
6-ти Ромски Детски музички фестивал
„Детски Сон 2022„ – СП БТР
6th Romani Children's Music Festival
"Children's Dream 2022" - SP BTR
Isi 206 misafirija so dikhena o ROMATIMES.NEWS
Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali
