O Hasan Dudić thaj o Ivan Gavrilović snimingje dueti " Hej me na sem gej" - “Hej, ja sam gej” so si kerdi bašo o preperutne so si len homoseksualno orientacia resarinaja maripa bašo pire hakoa.
I idea akale proektske bijandili anglder šov berša kana an i jekh parada an o Beograd, o amala khelen pe sine e Hasanea kaj na tromal te kerel jekh gili bašo o gej, so ov demantiringja olen, lelja kalemi thaj kergja i gili bašo 15 minutia.

O Ronald David "Ronnie" Wood si pendžarutno britansko gitaristi thaj basisti , so taro 1975 berš si membro an i pendžarutni rok grupa Rolling Stones.
Ov si biame an o 1 juni 1947 berš an o London.

An i poro lungo muzikakiri kariera startujngja la panda an o 1964 berš trampibaja pobuter rock grupe. Ko maškar vakti ulo pendžardo muzičari thaj oleskoro lungoberšeskoro amala thaj membro an o Roling Stounsi o Kejt Ričards an o 1975 berš akhargja le te ovel membro an o odova bendi. O Roni ko jekh si but talentirimo art galeristi thaj ilustratori karikaturenge.

Oleskere darhie si romane, barilo an o kvarto kote sine buteder Romam so aso odorigutno anava ola anvkeren len sine sar o "Roma taro panja" sar so si anavkerde odola so aven taro odova kvarto Hilingdon.