O legendarno giljavutno Zdravko Čolić (68) taro sakodrom sine jekh taro majbare muzikakere talentoa ki nekanutni Jugoslavia. Trujal o vokali o Čola sine em fizičko atraktivno so savore oleste ilustririnen le sar srpsko Tom Džons.

Avgo debitantsko giljajbe anglal i publika sine le ko jekh festivali amaterenge ko 1967 berš , a i solo kariera počmingja ko agor taro 1970 berša e giljaja" Sinoč nisi bila tu" - " Irati na sian sine akate"

Numa but hari si pendžarutno o akto so kergja o Čola so sine ko agor taro 70-to berša.

Ov tegani manglja te kerel kaj si popularno em pendžardo em sine le bari balkansko kariera te ovel pendžarde em avrial ko internacionalno nivelo.

Numa fakti si kaj e stranconge sine but phareste te vakeren oleskoro anav thaj oleskere producentoa notiringje kaj o anav Zdravko te ovel akana sar Dravko.

Ov tegani snimingja nekobor gilja ko diferentno internacionalno čhibja. O Čola tari akaja idea chidingja pe soske ka valjani sine te mukhel i Jugoslavia thaj te dživdinel ki Germania.

I gili so ikavgja la baši Germania legale sine anav: "Alles was Ich Hab". - „Sa so isi man„

Youtube https://www.youtube.com/watch?time_continue=1&v=XvdiikVirWU

Jekh amerikansko magazini vakerel kaj e Elvis Prisli si le romane darhie" informirinela e britansko gazeta Dejli Mejl

Aso o magazini "Gypsy Roma Traveller", i durutni familia taro prisli sine roma thaj dživdinen sine ki Germania. Ola ko starti taro 18 veko emigriringje ki Amerika . O magazini akcentirinela kaj sar ćhajakroro teloanav -prezime oleskere dajakoro sine Smith, so asavko prezime si buteder Romen tari britania " akcentirinel pe ko teksti.

Jekh taro ekspertoa e Romane kulturake thaj analitilari em pisateli o Dejv Eltir vakerel kaj o Elvis prisli ni jekh droma na lipargja kaj si le Romane darhie so mukhela than kaj šaj o Elvis mangipaja garavel sine odov ca momenti jali o čačutne darhie so si upreder 300 berša čače saste si bisterde?