E britaniakoro bokseri so si le romane darhina o Tajson Fjuri bičhavgja daravina kaj ka marel e lumiakere šampione an i phari kategoria Entoni Džošua bizo te kerel treningo, boksiribija jekhe vaste phanli palal o dumo."
O Džošua angleder jekh kurko anglal 90.000 publika an o Vembli kergja unipa sa e titulenge ko boksi an i phrai kategoria ko verzie IBFm WBA thaj IBO nokautea an i 11 runda viktoriringja upral o Vladimir Kličko. O Džošua pali i viktoria akhargja e Fjuri te maren pe, a ov prifatingja o meči.
"O stilia kerena o mariba , numa me džanava kaj ka marav e Entoni Džošua jekhe vastea so ka ovel phanlo palo dumo" vakerhja o Fjuri bašo o Sky Sport
O Fjuri arakhel pe ko Marbel ko plo trening kampo kote bahtakergja i viktoria pire sonacionalitet mujal o Kličko.
Ov vakergja kaj si le bari mangin te boksirinel pire manušea o Džošua.
"Isi salde jekh mariba thaj majbaro an i lumia maškar o bokseria ki phari kategoria o Džošua thaj me"
O Fjuri na boksungja taro noemvri 2015 berš kana jekhehangoja taro arbitria margja e Kličko thaj ulo nevo lumiakoro šampioni an i phari kategoria an i WBA,WBO, IBFm IBO thaj reslja i bari kustik taro magazini Ring. O revanši na ikergja pe duj droma thaj an o agor sine otkažim,e em o kustika ačhile bizo gazda.
„ Te ova realno ole si le 41 berš. a mande 28 odoleske mange trubul hari, ni treningo te marav man olea. Ka marav bizo problemia" vakergja o Fjuri
