O Superkupo si akti so ka del baro impulsi thaj motivacia e fudableske an i Makedonia thaj an o regioni thaj perfektno šajdipa i Makedonia te promovirinel pe thaj afirmirinel pe anglal i lumia.
Akava vakergja o presidento e Fudbalsko federaciake an i Makedonia o Ilčo Gjorgioski so zojrakerel i šansa e afiramciake tari Makedonia so ka anel buteder airi e themake ko lungo roko.
„Resibaja akaja pativ te ova organizatorua e akteske so ka dikhen le milioni manuša an i lumia, amari organizacia ovel arakhutni e nacionalno identeteske thaj siem bare so i UEFA prependžargja amaro butikeriba e fudableske thaj te oval perfektno organizatoria akale bare sportsko akteske" vakergja o Gjorgioski.
Ko jekh filtrurunel pe i alusar taro ekipe so šaj te khelen an o Skopje ko Super kup 2017 berš Majbut mangen e Mančester Junajted , Real Madrid jali Juventus.
E dende organizaciake taro Superkupi 2017 berš so ka khelel o timi so ka lel i Liga taro šampionia thaj Liga tari Europa an i sezona 2016/2017, o benefitia taro kherutni ekonomia si but bare.
Maškar 15 thaj 20 milionia eura si i prognoza taro love so ka aven taro aktivitetia tari publika an o periodi kana ka ikerel pe o Superkup ko makedonikane hotelia, hostelia, restorantia, kulturakere monumentia, kompanie so den transporti, šoping centria thaj aver.
Akala si percepcie taro renomirime portali marekting 365 so vakerena kote o finasie ka varirinen aso i destinacia kotar so ka aven o turistia thaj o standardia an o pire thema. odoleske majmangel si o angličania taro Mančester Junajted.
