An o pervazia taro aktivitetia avdive an i Ambasada tari Islamsko Republika Iran , o presidento tari Internacionalno Romani Unia - IRU o Zoran Dimov, sine le mitingo e e Ambasadorea O.E. Said Sadet Mohammadi.
Ko vakti akale mitingoske o Dimov informiringja e ambasadore an i konekcia e aktivitetenge thaj plania so kerela o IRU sar majbari internacionalno romani organizacia.
Ko jekh interesiringja pe bašo statusi e Romengoro so šelberšencar dživdinena an o Iran.
O ambasadori Mohammadi informiringja kote o Roma si integririme an o iransko sasoitnipa thaj si kotor taro multinacionalno koloriti an i akaja them.
O Roma an o Iran si pendžarde telel o anav "Luri" so šelberšencar kana emigriringje tari India prekal i Persia (avdisutno Iran) kotor olendar ačhile ko odova than, a o aver gele majodorig ko plo drumi dži ko avdisutne destinacie.
O ambasadori taro Iran akcentiringja kote ko aktivitetia taro IRU ka del suporto vash afirmacia thaj majbari promocia e IRU-ske sakote an i lumia, konektiribaja thaj pli them , kote vakergja kaj trubul te del suporto e IRU-ske te ovel majbaro numero delegatia - membria Roma - Luri an o IRU.
Liparibaja o Roma (Luri) an o Iran si buteder 1500 berša.
