Sebepi 9 Maj - Europakoro dive, o Presidento e Internacionalno Romane Uniake -IRU an o anava e saste membronmge taro IRU bičhavgja bahtarina dži ko legarutne institucie an i EU sar so si Europakoro Parlamenti, Europakiri Komisia , Europakoro Konsilo thaj dži ki Komisia bašo buvljariba e EU . Ki oleskiri bahtarin tergjola:
Respektirime
I Internacionalno Romani Unia - IRU thaj olakoro presidento Yoran Dimov istemalkerela akaja [ajsarin te bahtakerel o 9-to Maj Europakoro Dive dive kana si khuvde i funda tari avdisutni Europa thaj sa o nacie so divdinen olate.
IRU sar organiyacia e 12 milionia Romenge so si an i teritoria taro purano kontinento akcentirinel kaj i kolaboracia e EU thaj olakere institucie si strateško resarin bašo majodorigutne aktivitetia taro IRU an o sa o umalja. Ko jekh sar so dži akana thaj majodorig o IRU thaj i EU ka keren zori an i realizacia ko buteder proektia so si an i konekcia e toleranciaja , diskriminacia thaj o buvljardo nivelo taro anticiganizmo.
Akecntirinaja kaj o Roma sar nacia na kamen nikana te iranen pe o astarde dukha ko vakti taro Dujto lumiakoro mariba thaj o periba e Fašizmoske so korespondirinela e avdisutne dataja 9-to Maj dive tari viktoria upral o fašizmo.
O šartia akale šelberšipaske, problemia so si andre thaj avrial tari Europa anen ko panda aver pučiba taro aver vaktia i EU te dikhel thaj te kerel zorali avrutni politika ko phanlipa jekhe majbare viziake ko akava kritično periodo.
O EU thaj o IRU ka keren majodorig pozitivno aktia an i implementacia an i integracia e Romenge ko sa o segmentia an o demokratikano aktiviteto an i Europa thaj olakere institucie.
Odoleske panda jekh drom o IRU akcentirinel kaj tergjol zorale ko sa lende savale tari EU an i integracia e Romane naciake thaj phravdi konekcia ko sa o niveloa.
Respektea
Zoran Dimov
Presidento an Internacionalno Romani Unia - IRU
