Ko jekh taro pire perosnalno dikhiba ki konekcia taro aktiviteto e instituciencar taro internacionalno karaktero , o IRU presidento o rajo Zoran Dimovsikavel piri bibahtpremal akala institucie a ko jekh em ko desave organizacie so keren aktiviteto ko faislakeriba e romane problematikake em kreacia politika konektirime e Romane jekhinaja.Ov vakerela: „ Kamav te vakerav miri gind majanglal personalno sar manuš, a palo odova em sar Presidento e Internacionalno Romane Uniake- IRU.Buteder droma dži akana o IRU sikavgja piro intereso te kerel kolaboracija buteder internacionalno instituciencar em organizacie kana si ko pučipa o status e Romengoro ko sa o umalja. Buteder droma o IRU prekal pire representoa, membrora, delegatora, dengje pire vasta baši kolaboracia.E IRU-skoro mentaliteto si sako drom prekal dialog em konstruktivno debata te arakhel majpraktično faisalia ko eventualno problemija em anomalie. Te sikavav miri šukrikerin dži ko pobuter internacionalno institucie em faktoria so sako drom mangen šukar em konstruktivno dijalog em dena piro suporto ko majučo nivelo.Numa bibahtake buteder droma dži akana sine em barikade em doza napakjiv ki amari organizacia taro desave insternacionalno institucie, em tari rog desave organizacie „so but sekirinen pe e Romenge“ em organizacie so majodoriga kamen te keren buti ko plo vast bizo te dikhen o realiteto.But si simptomatično so neko olendar sikaven pe sar „majbari romani organizacija“ em natransparentno khele i rolja: „Lideri e Romenge“.Odova kerel salde baro regresi ko than progresi ko procesi majšukar tajsa savorenge!Bibahtake asavke persone isi em ko majuče europakere institucie sar so si e Europakoro parlamento, EK SE em avera.Ola teleperavibaja i pakjiv tari i nacia magnen te keren „individualno akti“ ko than barabutni promocia ola keren „solopromocia“ em agjaar šaj te vakera kaj nane nikana te ova produktivno.Klasično egzamplo akaleske si i akanutni situacia e COVID 19 em o dendo Stettmento taro IRU dži ko Europakoro parlamento bašo Minimum Inkam ko thana kote si o Roma. Džanlipaja i sasti situacia e Romencar tari (infrastruktura, ekonomia, sociala) o pučiba si: DŽI KOTE SI OLESKIRI IMPLEMENTACIA , EM KI SAVI FORMA KA KEREL PE REALIZACIA?Anglal sa miri intencija si te kera zori te ova sare jekh a jekh te buvljara o pluralizmo i pativ premal o avera em maškar amende.Ko jekh rumime khelinencar palal o dumo ka kerel majpalal amari pozicia em nane te anel khanči šukaripa savorenge . odova si o realiteto soske o IRU as ko jekh em me sar olakoro Presidento siam realno, phravde korkorokritično em majbut transparentno sa okolenge so ka den piro vast bashi kolaboracia.Salde agjaar ka šaj te dikha „puterde jakhencar“ ko realiteto ka dikha sa o anomalie so kerel stop e progresoske- vakerel pe ki konkluzija taro IRU presidento o Zoran Dimov.
