Jekh taro šerutne segmentoa taro XI-to Kongreso taro IRU , so ka ovel taro 26-29 Marto an o Skopje, ak ovel em i tema „Romano Ombdusmano“

Ko parlamentarno mitingo taro IRU ko juno 2019 berš sine kerdi promocia taro Romano Ombdusmano – Kontakt Point , so reslja čačutno suporto taro sa o relevantno internacionalno institucie, avutno akti si fundamentiriba em starto taro aktiviteto.

Ko odova konteksti kerdo si o avgo akti kote promoviringja pe o Ofiso taro Romano Ombdusmano taro IRU kote trujal piro ECOSOC statuso an o UN akana si le piro ofiso so funkcionirinel ko pervazia e Ofisoske taro UN ki Ženeva ki Švajcaria.

Akaja decizia si andi ko agor e masekoske novembro 2019 berš.

Ko akava Kongreso taro IRU ka džal pe pireo majangle! Ko odola pervazoa ko vakti taro diskusie ka prezentirinel pe em nevi strategia em plano taro aktiviteto akale ofisoske Ka ovel em presintirime i nevi strategia em strukturno šema tari funkcia. Aso akanutne aktivitetoa o Romano Ombdusmano trujal i funkcia Šefo, ka promovirinel pe em  oleskere duj vicešefoa taro Romano Ombdusmano.

Interesno si kaj trujal i paralelno funkcia ka kerel em netvorko taro Nacionalno Romane Ombdusmanoa  - Kontakt Point. Odova bi avel sar kote majbaro kotor taro thema kote isi Roma, , ka ovel pire Romano Ombdusmanoa so ka kompletirinen akava netvorko.

Kalaea o IRU sikavel angažmano te eliminirinel sako forma tari diskriminacia em phagiba o fundavno manušikane hakoa akcentoa i Romani jekhin ki sasti Europa thaj i lumia.

Sa akava ka ovel dopherdo e status em kodeksi savore so si ko Romano ombdusmano – Kontakt point.

Ko pervazia taro aktivitetoa em respektiriba e e fundamentalno manušikane niamia ka diskutririnen pe ko avutno XI –to IRU Kongresi ko Skopje ko pervazia tari prezenmtacia i gind ka ovel ekspertoa so džanen odoja problematika.

Jekh taro segmentoa si i tema: „ Respektiriba o niamia taro phanle taro etnikane jekhina telal i prizma tari romani jekhin“

Sar olake elaborati ka del o doktorato tari Nataša Amdiu taro Fakulteti arakhipaske ko Univesiteto „Kliment Ohridski“ tari Bitola.

I tema ka ovel ola resarin te kerel pe pučimnaskoro anketa taro persone – phanle em odova listo ka kheden pe informacie ko nivelo prependžariba o problemia tari rig taro phanle , konektiribaja o preperutne taro potikne etnikane jekhina ko KPD Idrizovo, KPJ Phanlipa Skopje, em KPD Štip upral 20 anketirime ko sako phanlipa individualno.

Ko odova drumo o pučljaripaskoro listo ka ovel hulavde ko ptar (4) kotora: saste informacie, prependžaripa e problemonmge em informiripa thaj istemalkeriba e akanitne mehanizmoa ko konektiriba e jurisdikciaja.