Ko pervazia taro piro aktiviteto i Internacionalno Romani Unia – IRU aso andi decizia vash avutno IRU Kongres , 11-to ko niče so ka ikerel pe taro 28 -30 Mart 2020 ko Skopje R.Utarali Makedonia.

Trujal o alusariba taro nevo IRU Presidento ka ovel em akcepcia taro neve membrora IRU delegatora.
Prekal o IRU statuso o IRU Kongres organizirinel pe ko 4 berša a o aforutno X IRU Kongres sine ko mart 2016.

Avgo drom ki IRU historia ko vakti e Kongreseske ko Skopje o avutno IRU Presidiumo ka ovel alusardo aso registririme vote so prekal elektronsko notifikacia ka den pri vota, Akanaske i Komisija baši Demokratsko Taranzicia isi la registririme 5.600 vote em odolea ka ovel majbuvleste em majdemokratsko mandato e IRU Presidiumeske.

Ko jekh ka ovel kerdo em akcepcia neve delegatoa an o IRU. Vash i forma m, o formularo – aplikacia em o roko te del pe kandidatura sar IRU delegato ka šaj te arakhen pe o aplikaciono formularo ko Web site taro IRU ko https://iromaniunion.org/index.php/mk/# ki papka „Dokumentia“, em ko jekh ko front rig taro Web Portalo „Roma Times“ ko linko taro - https://www.romatimes.news/index.php/ro/

Sar kotor taro pire aktivitetoa ko 6 em 7 Decembro 2019 berš ko Stokholm , Švedska organizirime sine mitingo taro IRU Kabineto em kotor taro ETTF Bordo em i Ronmani asociacia Ćphenjalipe“ . Sar promotiri em organizatori akale mitingoske sine o Šefo taro sa IRU Komisie em Vicepresidento i Rosita Gronfors.
I Rista Gronfors trinto drom sikavgja pe sar lačho organizatori em oj nakhlja ki lačhi atmosfera,

Ko mitingop akale organizacienge than lele o IRU Presidento Zoran Dimov, i Rosita Gronfors Šefi e IRU Komisienge em Vicepresidento, Stefan Kuzichov VD Presidento an o IRU Parlamento, o Gregor Julson, Šefi taro Romano IRU Kriso, Ramush Muarem – Gen, sekretaro taro IRU, o Zvonko Jašarevič membro ko IRU Romano Kriso, Marja Eronen - konsiliaro ko IRU Kabineto, Abigal Hocking thaj o James Wragg taro ofiso en i IRU Demokrastsko Transicia, Lars Demeter Šef e Komisiak vash o religia em o Tore Jarl Bielberg – IRU membro tari Norvegia.

Sar membrora taro ERTF sine o presidento Miranda Vouilasranta thaj taro džuvljano lobi Phenjalipe i Cristina Raducanu, Martines Selinger, Angelina Dimiter Taikon thaj o koordinatori Upro Voluosranta em o Fred Taikon..

Ko jekh an o mitingo sar đuranlistoa – reporteria sine o Bajram Severdjan, Isein Bajram em Erhan Demir thaj representoa taro Romano Radio an i Svedia.

Ko sasto mitingo moderatoro sine o Stefan Kuzchov . Ko avgo dive 06.12.2019 – Paraštuj kana resle o misafiria sine kerdi koordinacia em definicia taro teme so ka oven an o IRU mitingon so ikergja pe paloručko.
Ko dujto dive Savato 07.12.2019 o mitingo počmingja ko 09:00 časo registracia taro misafiria em o teme taro mitingo vash i diskusia.

Anglal o misafiria piri presentacia sine e Šefi taro IRU Komisie i Rosita Gronfors dengja piro raporto em so si importantno i kolaboracia IRU thaj ERTF em te vazdel pe o Romano džuvljano lobi , Taro odova aspekto sine inicirime em aktiviteto te ovel represento Romani džuvli ko IRU Kriso.

Taro odova aspekto sine kerdo dioskisia em taro IRU Presidento o Zoran Dimov i inicijativa kaj trubbul an o IRU Romano Kris te ovel džuvli modaliteto aso ka implementirinel pe em sar nevo momento ko buvljaripa e džuvljano lobiske.
Taro odova aspekto o Šefi e IRU Romano Kriso o Gregor Julson dengja sasto suporto akalae inicicajtivake.

Palo odoba diskutiringje o Presidento taro IRU Zoran Dimov ko plo raporto aso akanutne aktivitetos akcentea kaj i inicijatoifa aktiviteto Romano Ombdusman džala majodoriga ki afirmacia em sukcesiali implementacia. Sar importantno momento si kote trujal o IRU Opfis so putergja pe ki Viena ko aktivitetoa taro UN si putardo ofiso an i Ženeva. Odothe trujal i kolaboracia taro UN ka ovel adaptirime em o Romano Ombdusamno.

O repsresento taro ERTF em presidento i Miranda Voulosranta taro ERTF trujal obligacie taro Foirumi e Romengoro em Travelsoa so ka ovel maškar o IRU thaj ERTF , presentiringja o prioritetoa ko ERTF aktivitetoa tari EU Komisia sar jekhipa savorenge ko periodi so avela 2020 – 2024 berš.
I Angelina Dimiter Taikon irangja i sama kobor si importantno o romane čhave te džan an i škola em te vazdel pe i gind ko majučeste nivelo.
Sar Romnengoro aktiviteto em majzoralo lobi e Romane džuvljake sine e Cristina Raducanu . Oj akcentiringja kaj trubul majkonkretno plano te uštel o nivelo taro odova aktiiteto.

Majodoriga anglal o akteria piri presentacia aso i funkcia Demokratsko Transicia em elektornsko voting sine e Abigal Hocking. Ko jekh prekal o skzpe sine piri prezentacia em raport e Gratan Pukson, inicijatori tari DT , Avilo pe dži ki konkluzia kaj akava proceso si hari phareste akana te implementirinel pe thaj te kerel pe akale formake voting majbari kampanja em edukacia e Romenge . Sar omptimalno periodo si akcentirime o Kongres taro IRU palo 4 berša.

Sar jekh taro agorutne teme sine o IRU Kongres ko 2020 berš.
Sar decizia si andi taro IRU presidento kaj o Kongres taro IRU ko 2020 berš ka ovel ko agorutno kurko taro mart 2020 te ovel ko skopje, R.N. Macedonia sebepi finansisko implikacia em čuči IRU kasa ko mart i Asanbela taro IRU, Mitingo , kulturakiri manifestacia em aver te ovel ko 28 -30 Mart 2020 berš.

Akanaske ačhola akava termini te ikerel pe o IRU Kongresi em aktiviteto te arakhen pe o finansie vash organizacia!

O mitingo agorkergja ko 07.12.2020. ko 18 o časo

O raporto kergja
Ramus Muarem
IRU Gen. Sekretar
10.12.2019