O membroa em IRU Kabineto akava vikendi prekal Video konferencia prezentiringje o instrumentia em elementia vash avutno IKRU Kongresi so ka ikerel pe taro 28 – 30 mart 2020 ko Skopje R.N.Makedonija.
Ko vakti akale diskusiake em prezentacia o IRU Presidiumo preciziringja o detalia ki implementacia ki realizacia e Demokratsko tranziciake i forma e mail votiba kote si regisitririme prekal 5.000 potencialno vote tari sasti lumia.
Interesno si o momento kaj o IRU ko vakti tari piro Kongresi ka verifikujnel o mandato taro neve IRU membrora em delegatora so si ko thavdipa i aplikacia prekal o formularia em o forme sar te aplicirinel pe a šaj arakhen pe em huljaren pe taro web sajto taro IRU em si ko Web portalo Roma Times.
Interesno si kaj o membrora tari majpurani em majbari romani internacionalno organizacia IRU o interes si čače but baro . Sako momento en o e mailo taro IRU resena baro numero aplikacie.
Akava klar sikavela kaj o IRU si respektabilno em uče poziciorimi organizacia em klar sikavel o kredibiliteto taro IRU ko internacionalno nivelo.
Interesno si kaj sa akala potencialno kandidatia te oven delegatoa an o IRU ola klar distancirinen pe taro agjaar anavkerde Paralelno nalegalno IRU organizacie em ola notirinen kaj si e Internacionalno Romane Organizacijaja . IRU kaste isi la registracia ki Viena, isi la plo ECOSOC status ko Unime Nacie kaskoro presidento si o Zoran Dimov em den suporto ki implementacia e Demokratsko tranziciake kaskoro kreatori si o jekhto Gen, Sekretaro taro IRU o rajo Gratan Puxon taro London.
Ko jekh o koordinacie em o etape so ka oven kerde ko aver rokoa ka džan ko kontinuiteti ki avutni Video Konferencia so trubul te ovel ko dujto kurko taro januari 2020 berš.

Lungo thaj but lungo ki mapa taro romano aktivizmi , notirime si kaj beršencar em deceniencar sa jekh face si ko stejdži e romane aktivizmoske ko internacionalno nivelo. Odoja „grupa“ taro jekh manuša lačhe „nafatiringje pe“ ko vakti em na mangena te mukhen o piedestalo averenge.

Ola e lovencar so si lenge dende taro donoria em fondacie baši implementacia e bare numero proektia ko anav e Romenge, ola odolea khergje peske „lačho than“ eguzistenciake em prekal proektia buvljarena piro netvorko bukvalno mukhena metastaze ko baro nivelo.

Odva sikavel kaj odola agjaar anavkerde Romane aktivistoa em cicačia e „lovenge taro Roma“ kergje piro „Bastioni“ paše em personalno paravan fondia em telalorganizacie e lovencar taro fondacie so kanalizirinena palem ki olenfe ko odola „aver“ organizacie em buvljaren piri imperia panda buteder!

Ola kergje asavki strategia si ko sa o segmentoa isi olen. Em ki edukacia, sastipe, kherutnipa, butim kultura, sport em aver. Bukvalno o pipke mukhle ko sa o riga em keren aklimatizacia em kreacia ko nacionalno em internacionalno politike e Romenge.
Ko bukvalno segmenti ola si – SAKOTE!

Del pe pučiba si li o internacionalno donatoria em fondacie notacia kaj ola odola love dena sa jekhe isto manušenge?

Ko than odola love te oven dende ko buteder frontoa aso o prioritetia em relevantno romane subjektonge odola love džana sako drom ki jekh Romano NGO Dinastiaso palo odova oj hulavel o love prekal lakere mangina , lakere kriteriumia em sar so olenge valjani. Ama o love palem džana ko olengere „phenjengere“ organizacie.

I EU em o aver fondacie pučleli pe soske si o aver romane organizacie em struktuire sar so si i ERTF so si kotor taro Konsilo Europakoro, soske si o IRU so si kotor taro Unime Nacie em ERTF, soske si o IREM o ERIO, o Phenjalipe, o NRC o Romane nacionalno politikane partoe taro tehma kotar avena em but aver subjektia - Romane.

Soske na rodel pe ekspertiza em olengiri gind taro akala organizacie? O EU em o fondacie si ki gind kaj akala organizacie nane len kapaciteti , profilo em ekspertoa em analitičaria?

Jali odova „Romano NGO Bastioni“ na mangel ni jekh avera romane organizacie te ikljon ko dikhiba. Hulavipaja o love maškar peste ola agjaar ačhona sar „importantno faktori“ ko jakha tari EU em fondacie. Ama bašo sa isi agor. Jekh dibve kana ka „phajrol“ o dudum ka ikljon ko dikhibe sa o fekalie so kerena sine . A sar džana o bukja odova vakti avela but sigate.

Paše si o vakti taro jek– „Goodbye„ odole korkoro notirime Romani NGO Dinastia.
Epa vakti si!