Mangav te phenav

RDS analiza (Enjato kotor) Ka ikerel pe li o Presidento Pendarovski ko dendo lafi kaj ka ovel le Konsiliaro (sovetniko) an o oleskoro Kabineto?

O nevo šefi e themake o Stevo Pendarovski oficialno startujngja pire 5 berš presidenteskoro mandato an o 12 maj akava berš.
Ko mediumia si i informacia ko ka ovel ko timi taro oleskoro Kabineto.
Dikhel pe kaj an o oleskoro Kabineto na figuririnela ni jeklh Rom sar konsiliaro.

Startujngje o reakcie tari i romani jekhin vash o nevo timi ko Kabineti taro Pendarovski an o odova soske nane anavkerdo ni jekh Rom ko oleskoro timi.

So si akava? Dali o Pendarovski thaj o SDSM nane čale taro angažmano e romane politikane felake ko vakti tari presidenteskiri kampanja? Dali dikhle kaj e Romen nane kvalitetno thaj kvalifikujmo kadari akale funkciake - Konsiliari!

Jali o Pendarovski bistergja plo dendo lafi ko vakti tari presidenteskiri kampanja kaj akava si "jekh sasoitnipa" kaj savore siam jekh thaj ka angažirinel definitivno konsiliari ko plo timi tari i Romani jekhin.

Kobor so ikerel amen i memoria ov anglal savoren dengja lafi ko but mitingoa so kergja anglal ko Roma thaj i organizirimi tribina .debata taro Romano NGO angleder u dujto alusaribaskiri rota an o Šuto Orizari.

So akana ka vakerel o Šefi e themake akale pučibaske? Trubul čačutno thaj realno antvorto olestar bizi "oblanda" em "parafinsko rukavice phravde em ko jakha direktno.

Majlačhe si agjaar bizo celofani em aver te džanel pe em o korkoro o Roma em olengere lideria , te grešingje nekote jali o korkoro Pendarovski pharvde na kergja o dendo lafi!.

Odova ka ovel majfer te džanen sa o Roma ko soj tane!

I RDS analizadžala majodoriga..

O stavi taro teskti si personalno taro RDS thaj si avri tari redaktorsko politika e web portaloske Roma Times

 

RDS analiza: (Oftoto kotor ) Te ova bizi dilema, i hangimi rezolucia e Romenge an o Makedonikano parlamento si artiklo tari buti sa e Romenge an i them!

I akana sig hangimi Rezolucia an i trampa thaj lačhariba e situaciake e Romengiri an i Utarali Makedonia a hangimi 60 votencar "bašo" thaj ni jekh "mujal" si rezultati taro aktiviteto thaj butikeriva taro buteder Romane NGO tari R.Utarali Makedonia so an o kontinuiteto bare samaja kerdi si oservacijaja sa o segmentoa thaj akcenti an i implementacia o standardoa e manušikane niamenge sar majteleperavdi thaj majamrginalizirimi grupa an i them.

Ki korkore anglute kerdi thaj akana hangimi Rezolucia klar si o drumo so trubul te ovel fokusi an i implementiriba thaj realiziriba.

Nanipaja šajdipa te dikhel pe o sasto saikerin akale rezoluciake so sine dendi an o Parlamento tari rig e Interparalemntarno grupa legardi taro deputati o Samka Ibraimovski trubul te akcentirinel pe kaj an o vakti olakere kreaciake taro o Romano NGO odothe saste tergjola sine savi forma, savo drumo thaj notirime rokoa bapši olakiri realizacia thaj implementacia.

An i kaja aklamirimi thaj kaceptirimi Rezolucia ko trampe thaj lačharipa i situacia e Romencar an i Utarali Makedonia tergjon salde aktia so rodela pe taro involvirime riga numa nane notaciue si li operativno plani thaj programa thaj vakteskoro pervazi olakere realizaciake.

Odova akana sar RDS potencirinela soske anglutne sikle kana nane dende rokoa thaj vakti baši realizacia thaj implementacia šaj te ačhol majodoriga sar "muli šabdi an o lil"

Tegani ka ikljol kaj akava si salde deklarativno akcepcia bizi bari šansa olakere realizaciake.

Dujto momento si importantno te potencirinel pe kaj akaja Rezolucia saste nane nesavi individualno jali partiakiri zasluga , soske an i late keren sine buti but manuša so si ne len asavki vizia panda angleder thaj kergje baro zori te ovel sikavdi. Oj panda angleder si bičhavdi thaj pendžardi maškar buteder europakere thaj aver internacionalno institucie kote tergol saste o rokia thaj olengiri implementacia thaj realizacia.

Trubul te notirinel pe kaj akaja akana hangimi Rezolucia ka ovel validno kana ka editirinel pe an o "Služben Vesnik na Severna Makedonia".

Savo avutnipe udžarela akale Rezolucia ka sikavel o vakti!
I RDS analizadžala majodoriga..

O stavi taro teskti si personalno taro RDS thaj si avri tari redaktorsko politika e web portaloske Roma Times

 

Personalno dikhiba aso 8-to April: Amen na siem avera, amen siem sar savore!

Me sem ROM - KALE MUEA ko sasto mlo dživdipa
A o AVERA? ...

Kana biangjove - PINK
Kana si nasvale - ČAJRALE (GREEN - ZELENO)
Kana si šudro - MODRO (VNATO)
Kana si tato - LOLE
Kana si lošale-daravutne - ROŠ VNATO
Kana meren - OKER GALBENO

Thaj palo odova o AVERA ....mange vakeren: " Sar sian be KALEA?"

But e beršenge od DIVE- so si salde jekh dive..a trubul te ovel KONTINUITETO...

I Makedonia thaj o dizutne si sa majhor tele, o SDSM thaj o VMRO -DPMNE došakeren pe maškar peste sebepi i situacia

Dikhaja kaj an i amari them nane kontinuiteto an o progreso e situaciake bizi diferenca ko sa o umalja. Socialno nasiguriteto, bizi buti, imigarcia, kriso, anomalie an i edukacia, sastipa, ekonomia thaj aver negativno aktia. Ko agorutno vakti o VMRO - DPMNE frdel toksično strele e aktuelno legaripaske kaj ola si došale akanutne situaciake, a o SDSM sako drom kontririnela e VMRO -DPMNE kaj ola si došale. Agjaar džana bizo limiti.

Numa del pe o pučiba ko si čače došalo asavke situaciake an i them?
Lačhe manušalen, siem li amen o dizutne ko tumare jakha salde "bakhre muravibaske" Akale situaciake jekh javereja keren kaj si došale a tumen sien o čačutne.
Tumen majšukar džanena kaj an o "akava deredže" alem salde TUMENDAR o duj majbare politikane partie an i them!

Taro 1991 berš pa sa dži avdive ko legarel sine e thema? Pa salde TUMEN em tumare tikne partisko privezokia taro i nacionalno partie !

Hronološki te lipargjem Džiakanutne Presidentia thaj Premieria an i them sine Tumare uče moldime partisko persone . Presidentoa tumare partisko amblemea.
Kiro Gligorov - SDSM, Boris Trajkovski - VMRO DPMNE , Branko Crvenkovski - SDSM, Gjorgje Ivanov (napartisko numa amblemea taro VMRO -DPMNE )
Ko jekh liparibaske dži akanutne Premieria: Nikola Kljusev (napartisko - ekspertsko Govermento numa paše e VMRO -DPMNE ), Branko Crvenkovski duj mandatoa - SDSM, Ljubčo Georgievski - VMRO - DPMNE, Radmila Šekerinska duj tuiken mandatoa sar VD - SDSM, Hari Kostov (napartisko numa privezok taro SDSM ), Vlado Bučkovski SDSM, Nikola Gruevski 10 berša - VMRO -DPMNE, Emil Dimitriev - VMRO -DPMNE thaj o Zoran Zaev - SDSM

Thaj akana dikhindo odoba em akala anava si tumen muj o duj majbare politikane partie te šubikeren nekaste asavke situaciake an i them? Nane tumen majtikno morali thaj hoš kaj i them an o asavko deredže angen la tume rajonalen BARE POLITIČARIA salde tumendar taro SDSM em VMRO.
Ni jekh tumendar thaj tumare majtikne koaliciono nacionalno partie nane tumen nisavo eksluziviteti te keren kontra šubikeriba kaj jekh si bilačho a o aver si lačho!
Trubul jekh te džanen kaj sa o manuša an i Makedonia ule tumare igračke manipulacienge thaj eksperimentia!
Nane tumen ni alibi ni faktia ni argumentoa te vakeren anglal o manuša o narodo! Odoleske akala presidenteskere kampanje keren len salde dende lafea so bi keren tumen, bizi diskreditacia avere partiake . Soske sa tumen so kergjen dži akana sukcesiale e MAKEDONIAKE si kergjen la NAKAZA THAJ IRANGJEN LA NAPALAL E MAKEDONIA EM OLAKERE NACIA!
Numa majdošale akale situaciake siem korkoro amen o NARODO! Soske beršencar pakjaja tumende!
Isi jekh definicia so džala agjaar:
-Te hovavgjan man jekh piti - Te ladža!
Te hovavgjan man dujto puti - Te ladža
Ama te hovavgjan man em trinto puti tegane - ME TE LADŽAV!

 

FaLang translation system by Faboba

Mangava te vakerav

Momentalno Online

       Isi 222 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali