Čehia: Nekobor tikneberšenge Roma si hospitalizirime kana sine atakujme taro phureder persone, notiribaja rasistikane terminologie

An o Lipnik nad Bečvou an i Čehia sine kerdo brutalno atako upral trin tikneberšengere Roma tari rig phureder manuš thaj džuvli. O manuš khuvel sine e čhaven ko muj thaj ko trupo so odova vakeren thaj o svedokia taro odova akti.

14-beršengoro terno Rom si hospitalizirime sine le modrice thaj khujbe ko šero , a i čhaj si hospitalizirimi sebepi khuvdi ko pašavre a panda jekh 12 beršengiri tikni romani čhaj si hospitalizirimi soske isi la mdrice thaj phago nak.O jeria e čhavengere ko dujtodi akava atako notiringje le dži ki policia.

O portalo Romea.cz bičhavgja rodaripa bašo informacie taro akava incidenti dži ki policia thaj panda udžarela antvorto.

O murš thaj i džuvli kergje atako upral o čhave ko vakti kana ola khele sine pe ske ko jekh lokalno parko.

Ko vakti taro akava atako sine panda pandž aver čhave numa ola resle te našen.

Aso o svedokia vakeren kaj o manuš astargja jekhe taro o romane čhija taro bala thaj del sine čhingar "Tu kurvo kalie"!

I Klara Bartoševa paše familia e atakujme thaj marde tikne romane čhave , vakergja bašo portalo Romea.cz kaj o manuš so kergja atako upral o čhave , sebepi so angleder desave divesa oleskiri 16 beršengiri čhaj sine la čhingar desave romane čhavea. " Odola sine aver čhave , numa ov salde iklilo thaj počmingja te khuvel sakone romane čhave so sine leske uzal o vasta" vakergja oj.

Link: http://www.romea.cz/en/news/czech/czech-republic-several-romani-minors-hospitalized-after-adults-attack-them-shouting-racist-abuse

Pin It
FaLang translation system by Faboba

Mangava te vakerav

Momentalno Online

       Isi 156 misafirija so dikhena o ROMATIMES.NEWS

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali