Sebepi 8-to Aprilo o Internacionalno dive e Romengoro organiziribaja bukjarne sesie ko keriba jekhminuteskoro video e siklencar tari FŠ Brakja Ramiz thaj Hamid tari komuna Š.Orizari, startujngja o aktivitetia an i realizacia e 15-to Internacionalno filemskoro festivali "Somnakaeskiri Rota 2017 ".

I filmsko proekcia taro 13 filmia an o akaleberšeskoro repertoari startujnela i proekcia taro filmsko programa an o 10 April an i Kinoteka e R.Makedoniake.

O aktiviteti džala majodorig thaj avdive ko 11 April an i odoja lokacia odolea so ko 19:00 o časo an i Kinoteka e R.Makedoniake ka den pe o plakete thaj diplome bašo majsukcesiale ko utsavalkerdo phanlipa e akale beršeskere editorialeske.

"O Generalno Unia e Romengiri an i Romania" panda an o 1933 berš lergja promocia e Romane flagoske, a sine alusardo thaj notirime tari rog e delegatonge taro Jekhto Romano Kongreso - IRU an o London an o 1971 berš ki Bari Britania.

O Romano flago si le duj fundavne koloria , čajrali thaj roš vunato kolori. O čajralo koloro simbolizirinel i phuv, a i roš vunato o del. Ko jekh si le 16 loli rigengiri rota - čakra so si an o maškar e falogoske thaj simbolizirinel i Tradicia e Romengiri o dromaripa.

Isi bari diferenca maškar e indiakoro falgo so si la čakra taro 24 krakia, a i Romani si 16., so sikavel i bari idferenca maškar i indiakiri čakra thaj i romani čakra.