Kultura

„Del, Rota, Phuv" ka ovel o majnevo filsmko artiklo tari SP BTR Produkcia

Palo lungoberšeskiri adaptacia sar idea thaj hramosardo scenario " Del, Rota, Phuv" si hazri olakere realizaciake thaj si planirime o starto tari avgusto 2019 te perel i jekhto klapa.

O korkoro scenario bazirinen pe kote ka ovel sar dokumenti so ka fragmentira o darhi , historia, kultura thaj tradicia jekhe naciake i Romani ki sastio lumia.

Ko jekh ka oven akceptirime sa o aver segmentia so si o faktoria taro odola imigracie , thaj ko sa o periodia tari olakiri barvali koloritna historia sa dži ko avdisutno dive.

Odova havel pe sar terensko aktiviteto , snimibe thaj dokumentirime faktia.
Aso i dinamika thaj scenaria dromaripa ka implementirinen pe snimiba thaj dokumentirime faktia..

Premal i dinamika thaj o scenario ka implementirinen pe maškar aver ko Europakoro tereni (trujal i Makedonia odothe si o Kosovo, Srbia, Hrvatska, Grcia - Krit , Pelopones, Bugaria, Romania, Ungaria, Polska, Čehia , Slovakia, Germania, Špania, Portugalia, UK ) - konektiribaja thaj e Rusko federacia thaj ko azisko kontinento (India, Pakistan, Iran thaj o azisko teritoria tari Turkia), thaj ko amerikansko kontinento (USA thaj Brazil).

O proekto si le idea te anel lačharipa ko socialno dživdipa , bajraripa i hoš ki paralela premal e Romen thaj aver teleperavde grupe so si riziko tari socialno inkluzia.
Ko jekh ka kerel pe jekh fokusi taro dokumentarno filmi so ka kerel eliminacia taro stereotipia.
Udžarde rezultatia ki konekcia akale proekteske ka oven:
Promocia tari nadiskriminacia , tolerancia, thaj socialno inkluzia e Reomane populaciake thaj šak te ovel odova akale dokumentarcoa si kote ka lel than pobuter renominirime internacionalno filmsko festivalia.

Ko jekh sar idea dži ki realizacia akalae dokumentarco te ovel palo odova jekh baro filmsko spektakli sar kheldo filmi taro historikano karakteri.

Ko jekh sar autoria palo akava dokumentarno filmo tergjon sar Producento o Zoran Dimov, Režia si o Kosta Markovska, scenario Ramush Muaram- Cirko thaj Zoran Dimov, kamera Isen Bajrami thaj Erhan Demir, a i montaža si taro ferdi osman. sar šerutno akteri -naratori ka ovel o Bajram Severdžan - Dr Koljo.
O filmi finansisko si suportoa taro Filmsko Fondi tari Republika North Makedonia - Agencia filmeske.

Tikno info : O čačipa e anaveske - Roma

Avgo anavkeriba e Romenge tari rig e naRomenge si notirime angleder 1100 berša anavkerde Atsincana upral i funda e grčko lafeske Athigganien, so si ki translacia sar "Na kamav te astarav le" so si transformirime palo odova ko Atsinganein, thaj ko agor te definirinel pe sar lafi CIGAN.

Palo odova akaja formulacia e anavea našavgjovela pohari thaj trampinel pe e formaja e lafeske "Džipsi" pakjajbaja kaj o Roma ki Europa avena taro Egiper - Egjipkjania (E)gyptians - Gjupci, Egjupci. Ki Britania i terminologija formulirinel pe Gypsy Ko Francia - Gitan, ki Špania - Gitanos thaj aver. 

Avdive an i sasti lumia istemalkerel pe i terminologia Rom- Roma. Akava lafi si romane darhiendar em vokabularo - so maškar peste anavkeren pe o Roma thaj si notirime taro maškarutno veko ko thema tari Vizantia.

Aso odova i čhib da si definirimi thaj anavkerdi sar Romani.

 

Antonio Banderas, jekh taro majpendžarde špansko Roma!

Palo amerikansko filmsko romane čerenja o Čarli čaplin em Jul Briner, o Antonio Banderas si majpendžardo filmsko Rom.

O Jul Briner sine aktivnoi romano aktivisti bašo romane niamia em lelja than ko IRU aktivitetoa ko eftavardešto berša. Akana em o Antonio Banderas ki agorutni decenia startujngja pire suporto dejbe aso e Romane jekhinake.

Ov si biame ki špansko diz Malaga ko 10 avgusto 1960 berš .

Ov ki piri biandi diz si le baro suporto taro o dizutne ko pire aktivitetoa so si kerde e čorole Romenge taro kvartia ki Malaga thaj si le piro restoranto.
Ov ko piro restoranti sebepi oleskere romane darhie te simbolizirinel čhivgja velespito so ki romani tradicia simbolizirinela baht thaj ko restoranto dela pe tradicionalno Romano hajbe.

Akava si panda jekh fakti kaj ki lumia isi pherdo pendžarde persone so si len Romano darhinalipa , numa isi pherdo aver da pendžarde persone so garavena kaj si Roma sebepi i diskriminacia mujal o Roma em garavena piro Romano identiteto.

O organizatori e protestonge taro Roma ko 8 juli ko Brisel si demantirime taro nevo romano eurodeputati so vakerela: "Nikana na kergjum kontakto olea"

O Štefan Pongo šoferi kamioneske so piro tromalo vakti aktivno si ko civilno aktivizmi ko momentio konektiringja organizacia anavkerdi sar "Čehoslovakiakiri Romani Unia, so sine misafiri ki programa "Intervju" an i RMEA TV, moderirimi taro Patrik Banga. E Čehoslovakiakiri Romani Unia kerel aktiviteto jekh a jekh sar ki Čehia agjaar em ki Slovakia.

I aklamacia e Romane naciake so dengja le akaja asociacia iranel i sama kaj trubul pobari romani akcepcia ko uče funkcie. O Intervju e žurnalistoa Banga avgo drom sine sikavdo an i TV ko 28 juni.

Ko 29 juni reslja o eurodeputato o Rom Petar Polak so si Rom tari Slovakia kergja kontakto e serverea ko informacia taro Romea cz. thaj e redaktora tari Romea te den antvorto ko akcepcie taro Pongo kaj ola duj džene sine len telefonsko kontakto thaj inicirinena sine te keren TV emisia live o duj džene. O Polak vakerel kaj sa odova nane čačipa.

"Nikana na kergjum kontakto e rajoja Pongo, ni prekal telefono, ni personalno em direktno. Nikana na planiringjem nisavi emisia In Live. Ov našti te kerel kontakto ni mire asistentoa soske ko momenti nane man ni asistento a o mandato sar membro ko Europakoro parlamento ka ovel verifikujmo ko 2 juli 2019 berš.

Me planirinav te dikhav man e eurodeputatea Tomas Zdechovsky . Bibahtalo sium te vakergjum kaj o organizatoria akale protestoske o Štefan Pongo kaste na pendžarav buvljarel hohavne informacie baši miri perosnalno diskreditacia", vakerela o Polak ki notacia bičhavdi dži ko serveri informacienge Romea.cz.

 

Link: http://www.romea.cz/en/news/world/organizer-of-8-july-protest-by-romani-people-in-brussels-is-corrected-by-incoming-mep-i-apos-ve-never-spoken-with-him

Youtube: https://www.youtube.com/watch?time_continue=1&v=IZCgYypezbU

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali