Baši majšukar džuvljani rolja si phursakerdo Jovana Gavrilović , so angja i rolja tari jekh romani čhaj si bibahtali jazia , but dukhavde sikavela i diskriminacia jekhe saste marginalizirime etnikane grupake , thaj našela pe tari natrubul but patetika thaj morali.

I phursarkerdi prestava " Miro čhavo" o direktori taro Beogradsko dramako teatro Slobodan Čustić vakergja:

- Kerel pe lafi bašp akti so nane "pumpimo" thaj bizo prentezie te anel ki godi e publika. O akti si kerdo phravde , korektno thaj duhovito, kerel lafi e Romenge, olengere problemenge thaj pharipaske. Akava nane le nisavi konekcia e Srbiaja, jali aver themaja an i sasti lumia, numa si konekcia e sistemea so na šperceprinela akale manušen, vakerela o Čustić.

O Roma si prependžarde prekal o talenti e muzikaja thaj khelibaja, numa angleder buteder deceniencar o pendžarde romane nacionalno dimie sar te našavgjoven taro olengoro sakodiveseske.

Angleder desave berša te sine odova normalno thaj sakodivesekoro, akana o dimie si but koloritno thaj rošale. Interesno si so o Roma počmingje te keren thaj dimie prekal regionia. Sar egzampli si tetovsko šalvare. Numa interesno si so o Romane džuvlja ple šalvare keren kreacia thaj anavkeren olen prekal desave filmsko serie so si aktuelno sar egzampli o šalvare "Šeherzad" thaj aver.