Agorkerdi si i gramatika an i romani čhib kote o autoria si presidentia an i Internacionalno romani akademia baši arti thaj uka o rpofesor Dr Rajko Gjurić thaj o Zlatomir Jovanović thaj sikapitalno kotor am ka ovel ko sig vakti editirimi , vakerel pe ki informacia.

Pali studisko analiza e romane fonetikake thaj o krle so sikaven pean o romane dialektia so anglutne selektiringja i Internacionalno komisia zojrakerdo sui kaj i Romani čhib si latinicia thaj si la 38 šabdakoa.

Avgo drom si zojrakerde kaj i Romani čhib si la pandž deklincie. Trin olendar si ano anavjora an i muršano jeripa,thaj duj an o džuvljano jeripa.

Džidiplonsko studie an i romani čhib thaj studie bašo edukatoria . Roma sar nevi katedra an o Pedagoško thaj Filološko fakulteti si jekh taro inicijative so kergja lafi  e ministerea bizo resoro vash implementacia e Strategiake ko laharipa i situacia e Romencar an i Republika Makedonia , Samka Ibraimovski, i ministerka baši edukacia thaj uka Renata Deskovska thaj o Ljatif Demir fundavutno e Katedrake thaj profesori pi Romisitikaan o Filozovsko fakulteto an o Zagreb.

Ko dikhiba sine diskutirime akanutne situaciake an i inkluzia e Romenge ko učeedukaciakere procesia thaj aktia so trubul te len pe ko bajraripa akale numeroske.

Tari i minsterka e edukaciake Deskovska sine pozitivno notirime o propozalo taro ministeri Ibraimovski kote trubul te oven phravde neve studie an i romani čhib thaj studie bašo Roma -edukatoria so dopherdo ka kerel pe diskusia e dekancar an oo Pedagoško thaj Filološko fakulteto an o Skopje.