Edukacija

Edukaciaja taro Romane džuvlja dži ko avutne individualne džuvlja

Sukcesiali Romani džuvli si sar Supermeni, ola isi la baro takati, sako dive džangavgjovela, , asavne muea thaj asnde muea kerel buti , thaj majodorig ačhola asandi thaj tergjol an o pire stabilno aso sa o bare bavlala so khuvela olende.

Akale lafencar i pendžarutni opersko giljavutni solistka i Nataša Tasić Knežević ilustirinela e romane džuvlja, a oj da korkoro si Romani so reslja te ikljol taro tradicionalno pervazia.

A akana sig oj odova takati so korkoro sikavgja. O socialno netvorko an i Srbia divesencar komentirinen pe sine o aktia so ule bibahtake an o jekh supermarketi.

Oj nekobor aver manušencar chidingja te ikljovel taro supermarketi kana mukhlilo o alarmi. Numa jekhutne sar "simptomatično čor" ko sekjuriti sine salde oj. Ačhavgje la thaj vakergje lake te ikavel sa so isi la an o gono, a o javera tari grupa nakhle peske bizo problemo.

Odova so lake dengje "kvalifikacia" kaj oj si "čor" sine andi salde aso olakoro nacionaliteti. Numa odoja bilačhi situacia na kergje la phare numa panda pophare trujal o sekjuriti aver da maniša diskriminiringje la dopheribaja komentaria sa an i konekcia e Romencar.

Link: http://www.portal-udar.net/edukacijom-majki-romkinja-do-samostalnih-buducih-zena/

 

Suporto e romane džuvlenge te oven profesionalno edukatoria e čhavnege so trubul te džan an o garteni an i Ungaria

O avipa thaj kvaliteto taro dende profi džanlipa šaj te oven panda majbare te dengja pe lenge majlačhe kvalifikujmo bukjarno takati. O Nacionalno netvorko REYN Ungaria dela praktika e romane džuvlenge te del suporto te khuven majlačheste an i profesia.

"Čače sium jertisarde akale suportoske soske taro sa vakti kamav sine te kerav buti e čhavencar , numa nikana našti sine te studirinav. Kerav sine buti an o Čhavorikano garteni, numa našti sine te ačhovav an i odoja buti soske na sine man kvalifikacie" vakerel i Eva . Oj kamel ma te del pe olakoro identiteto sebepi privatno faktoria.

Aver romane džuvlencar i Eva džala sine an i praktika thaj edukacia si sine lake dendo finansiko suporto taro Nacionalno netvorko REYN Ungaria. Oj akana si kvalifikujmi sar tehničko asistento an o čhavorikano garteni.

REYN Ungaria akana sig dengja suporto ko profesionalno karierizmo e romane džuvljake an i edukacia thaj opservacia ko fruj čhavoripa.

REYN Ungaria si energično nacionalno netvorko so dela pire membronge šajdipa profesionalno edukacia thaj progresi an i kariera ko sektori fruj čhavorikano buvljaripa thaj kerel zori te oven majbut romane profesionalcia akale profesiajke an i them. Ola ko jekh promovirinena i akcepcia dži ko učekvalitetno kerde aktia e terne romane čhavenge thaj familienge.

Link: https://www.reyn.eu/supporting-romani-women-to-become-early-childhood-professionals-in-hungary/?fbclid=IwAR3cyh0WnIkQ-

Selma Selman - "Marš an i škola"

Akava proekti si te šaj kheden pe love kote i Selma majzorale thaj an i humoristikani forma anavkerel le sar "Marš an i škola"

Sa o slike so ka bikinel i Selma ka džan a n o jekhberšeskiri programa ko suporto e edukaciake e romane ternenge so ka akceptirinel hajbe, časia pe anglikani čhib thaj kompjuteri, thaj phursako sa okolenge so sukcesiale ka nakhaven akaja programa em semestrathaj konekcia an o socialno proektia sar so si dromariba thaj praktika.

Bizo fakti so si oj odokhare terni thaj džal majodorig pire edukacijaja i Selma si but zorali , thaj mangela te kerel but pire romane jekhinake so si len bilačho čhavoripa, sar so sine late da . "Te valjani ka udžarav em panda 10 berša sa dži kote nakhavav em mo dživdipa salde akala čhave ma te našaven piri šansa"

Me pakjava kaj akala čhave ka šaj keren akava. Akala čhave nane mange pharipa ola si but importantno an o akava dživdipa. Dava salde hari te šaj ola palo odova te keren but peske te šaj džan amjodorig akale ideaja" vakerel i Selma.

Link: http://bheartfoundation.org/wp-content/uploads/2017/11/Selma-Selman-Interview.pdf

Trujal o pharo čhavoripa i Alisa realiziringja pire sune, thaj o diplomiriba phaglja o stereotipia

Kaj o dživdipa na athinel salde taro trujalipa, numa trubul thaj zorali mangin taro korkoro manuš te iranel piri jazia, čačutno egzamplo si i Alisa Šajn (24) taro Vršac. Oj si jekh taro duj Romane džuvlja so si universitetsko diplomaja tari akaja diz. trujal o pharo čhavoripa reslja te ikljol taro magično rota so arakhen pe majbaro kotor tari romani jekhin dživdinela thaj uli sukcesiali romni.

Oj o kurtalipa arakhlja an i edukacia. Oj barili ki aver familia , soske taro ple 8 berša našavgja pire duj jerien, a palo odova em pe phrale. Čačipaske sako drom na sine lake dendo sasto suporto, numa olakoro setioziteti an o agor iklilo sukcesialo.

- Mli paše familia kote bajrovava sine, ola gindinen sine kaj agorkerde fundavutne školaja si lačhe mange sar romani čhaj. Numa me na mangljum odova thaj rodingjum te den man aver familiate so ka bajrakerel man . Tari odoja familia resljum baro suporto thaj majanglal agorkergjum maškarutni hemisko -medicinsko škola majuče sukcesea, a palo odova Uči škola sar edukatori pi romani thaj srspko čhib.

Ko maškar vakti khuvgjum an i butti an i komuna sar koordinatori e romane pučibaske. Odoleske olakiri misia thaj vizia em egzamplo kerel sar d rumo avutne generacienge Roma. Oj si ko jekh em an o fakulteti bašo biznis studie numa sebepi i buti thaj daj čhavengiri akana o studie pausirinena, numa taro septembro planirinel te reaktivirinel o stusie thaj te džal an o specializacia.

Oj ko jekh reslja thaj o phursako " Romni simbolo taro aktiviteto" so dengje la duj lokalno žurnalistke. Kamet te hramosarel gilja thaj si la editirime an o lil " Literarno droma"

Link: http://www.novosti.rs/vesti/naslovna/reportaze/aktuelno.293.html:775357

FaLang translation system by Faboba

Mangava te vakerav

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali