Едукација

Илијаз Бајрам - Првиот Ром во светот кој објавил книга од областа на Астрофизиката и космологијата насловена како „Универзум„

Илијаз Бајрам е роден во Скопје 1961 година. Студираше Историја и Географија. Во 1987 година ја издаде својата прва книга насловена како „ Боговите се во форма на луѓе„.

Оваа година тој ја издаде својата втора книга насловена како „Универзум„ од областа на Астрофизиката и Космологијата.

Претходно зема учество во повеќе збирки на поезија. Воедно е член на „Истражувачки соработник за археологија, астронаутика и СЕТИ-Европа - "Forschunggeselschat für Archäologie, Astronautik und SETI-Europa, како и член на Археологија, астронаутика и СЕТИ - Здружение за истражување - САД - Archäologie, Astronautik and SETI Research Association - USA. Живее и работи во Германија

Книгата има 15 поглавја и авторот ја опишува општата и специјалната теорија на релативитетот на Алберт Ајнштајн како и Квантната механика кои придонесоа за да излезе нова теорија која е позната како Супер Стринг теорија.

Во книгата е опфатено Развојот и дејствувањето на Универзумот - простор и време - светлосна брзина- временска дилетација- фундаментални сили- делови и антиделови-различни димензии-Теорија на релативитет- куаркови - ентропија- калабија простори- космичко зрачење -топологија на Универзумот - мултиверзум- црни дупки - екстра димензии и други теми.

Ова е доказ дека има и Роми кои работат и на ова поле, како и самиот автор Бајрам напомена дека сака на младата генерација да испрати порака и мотив и тие да работата на ова поле.

Идриз Дурмиш: Никогаш не се откажувајте и следете го својот сон,колку патот е потежок и полн со препреки, успехот ќе биде уште поголем

Идриз Дурмиш е студент од Скопје, Ром кој студира молекуларна биологија на Природно математичкиот факултет, има просек 9,8 и сонува да му помогне на човештвото во битката со ракот, една од најсмртоносните болести на современиот свет.
Во своето интервју за Рома Тајмс ги сподели своите видувања.

Рома Тајмс: Кога се роди љубовта кон молекуларната биологија?

Идриз Дурмиш: Природата и живите организми ме интересираа уште од мала возраст. Ме интересираше како и од каде доаѓаат живите организми, од што се изградени и слично. Во биологијата се заљубив уште во петто одделение, додека во средно училиште ме заинтригира молекуларната биологија. Молекуларната биологија е релативно нова биолошка гранка која ги проучува биолошките процеси на молекуларно ниво. Најмногу се задржува на природата на DNA молекулата т.е. како и на кој начин оваа молекула ги носи и ги интерпретира информациите. Новите гранки на генетиката, како што е генетскиот инженеринг на пример, настојуваат да ја променат "oригиналната" DNA секвенца со цел да се отстранат одредени недостатоци (болести, одредени карактеристики на земјоделски култури, производство на лекови и слично).

РТ.:Како си прифатен и како на твоите капацитети  гледаат не- Ромите?

ИД: Искрено, на почетокот премногу се плашев како ќе бидам прифатен на факултет и од професорите и од студентите. Меѓутоа, еве после 4-5 години, можам слободно да кажам дека ПМФ е факултет каде што се цени трудот, знаењето и научната љубопитност, додека националната, верската и расната припадност воопшто не се важни.

РТ:Колку имаш слободно време и на кој начин го исполнуваш?

ИД; Додека имав предавања (веќе со предавања и вежби завршив кон почеток на јуни), немав премногу слободно време затоа што цел ден бев на факултет. Имаме и теоретски предавања и лабораториски вежби. Но, сепак успевав преку викенди да излезам со друштво, да се социјализирам и да уживам како секој млад човек. Од друга страна, обожавам филмови и книги, па често по цел ден учење одмарам со добар филм, а книгите ги оставам за меѓу сесии. Имам уште 3 испити, па ќе дипломирам и ќе имам повеќе време за читање на книги од различни жанрови.

РТ:Имаш ли идол и од која област?

ИД: Имам повеќе идоли. Од областа на физиката и астрономијата омилени ми се Стивен Хокинг, Нил деГрас  Тајсон и Мичио Каку. Хокинг е познат по неговата теорија за т.н. Хокингова радијација која излегува од црните дупки, Нил Тајсон е одличен научник кој на прекрасен начин ја промовира науката и ја доближува до публиката, додека Каку е еден од основоположниците на стринг теоријата (теорија на струни). Од биолозите морам да ги спомнам Чарлс Дарвин кој во време кога не се знаело што е DNA, ниту пак генетика, Дарвин ја образложил извонредната теорија на еволуција, и Ричард Докинс, познат еволуционист кој се придружува исклучиво на рационалната мисла.

РТ:Порака за твоите врсници и идни генерации
 
ИД: На сите мои врсници и идни генерации ќе им препорачам да го студираат она што тие го сакаат, она што ги интересира и она што ги прави комплетни. Ќе им препорачам, исто така, никогаш да не се откажуваат и да го следат својот сон и да запомнат дека колку патот е потежок и полн со препреки, успехот ќе биде уште поголем.

Мартин Калеја - Од ромска населба во Словачка до чешкиот академски свет

Др.спец. Мартин Калеја постепено се стекнал со своето професионално искуство како едукатор и истражувач на Универзитеото Масарик во Брно (Чешка), Универзитетот Остава (Чешка), Универзитетот Комениус во Братислава (Словачка)и Шелскиот универзитет во Опава (Чешка), каде во моментот е поддекан на Факултетот за јавни политики и вонреден професор во Центарот за емпирско истражување.

Исто така е член на Одборот во Владата на Чешка за ромските прашања , претседавач е на комисијата за образование.

Инаку калеја детството и дел од своите тинејџерски години ги мина во ромската населба во близина на Прешов на истокот на Словачка и уште тогаш имаже желба да биде наставник.

За време на неговото образование и кариера Калеја се соочи со предрасуди уште во основоното училиште.

Калеја верува дека се е поголем бројот на Роми завршуваат високо образование во овој дел на светот и дека не преставува како драматичен скок од ден за ден, туку преставува интензивен процес.

Со осврт на живот денес и неговата перспектива е : „ И после се и денес кога некој скинхедс че влезе во трамвај и бара некоја одредена личност, он ќе ја најде. На таква личност тешко може да им се објасни дека сум вонреден професор кој предава во некое училиште„.

Словачкиот ополномошник задолжен за ромската заедница: Ќе се фокусираме на образованието и вработувањето

Владата на Република Словачка го забележа на 25 јуни 2019 година од "Извештајот за следење на исполнувањето на Стратегијата на Република Словачка за интеграција на Ромите до 2020", кој го следи исполнувањето на активностите и мерките наведени во Акционите планови за Стратегијата во областа на образованието, вработувањето, финансиското вклучување, здравството, домувањето, недискриминацијата и пристапот на ромската заедница кон мнозинско општество во текот на 2018 година, а кој беше преземен од страна на Канцеларијата на ополномоштениот владин службеник за ромски заедници во соработка со министерствата и ги достави до Владата од страна на министерот за внатрешни работи.

Од 154 активности и мерки кои требаше да се исполнат во текот на 2018 година, Канцеларијата на ополномоштеникот оцени 85 како "исполнети" или "за да бидат исполнети" 54 како "во тек" и 15 како "неисполнети".

Минатата година беа потрошена речиси 120 милиони евра за интеграција на Ромите во Словачка.

Инвестицијата беше особено за активности за зголемување на вработувањето на Ромите (75 милиони евра), едукативни активности (30 милиони евра) и областа на домување (7 милиони евра).

Link: http://www.romea.cz/en/news/world/slovak-plenipotentiary-for-romani-communities-we-will-focus-on-education-and-employment

FaLang translation system by Faboba

Сакам да речам

Momentalno Online

Имаме присутни 62 посетители кои го читаат ROMATIMES.NEWS

o Vakti

 booked.net

Најпопуларни

Flag Counter

Нашиот бројач брои од 13.01.2019
Брои исти посетители од кои земји го гледаат нашиот портал
Најдоле има вкупно колку е посетен порталот