O makedonikano (internacionalno) idea: " Ramkovno Kontrakto" aso o mentaliteto e dizutnengoro an i amari them si sar jekh forma "sasoitno" Kurani jali Biblia maškar amanede! Kote te ovel stop i buti ola "asataraja amen " aso o Ramkavno procentualiteto. O mentalno koncepto saste gogjake panda si pakujmo an i amari "phanli godi" , thaj na kera zori te kera rezoni aso sasto manušikano karakteri , numa keraja "šlep" aso komparacie an i notacia ko procentoa.
Numa soske na kera aktiviteto aso o Ustav thaj olakeregarancie? Ake sar egzamplo te dikhel o kanoni ko artiklo 9 taro Ustav e R.N. Makedonia so vakerela:
II. FUNDAVUTNO TROMALIPA THAJ NIAMIA E MANUŠESKE THAJ E DIZUTNENGE
Civilno thaj politikano tromalipa thaj niamia
Artiklo 9
O dizutne an i republika Makedonia si jekh a jekh an o tromalipa thaj niamia biathinale taro poli, rasam morthik, nacionaliteto thaj socialno jeripa, politikane thaj religiakoro pakjajbe; imotno thaj sasoitno situacia. O dizutne si jekh a jekh anglal o Ustav thaj o kanonia si jekh a jekh!
Odova sikavel kaj savore siam jekh a jekh bizi diferenca! Bizi diferenca savo si amaro nacionaliteto savore siem jekh. Logično sikavel kaj na trubul procentia, na trubul rodaripa baši implementacia thaj aver. I Republika North Makedonia trubul te del šansa savorenge , a na sar egzamplo o Roma te roden nesave procentoa an ia dministracia taro 2, 3 jali nadžanav kobor aver procentoa! Na trubul te dikha odova drumo numa te rodel pe aso i funda taro Ustavi e Republikakoro!
Ake sar ilustarcia thaj paralela sar ka funkcionirinel akava modaliteto an o avera thema . Kobor si nalogično thaj dilino sistemo. Sar egzamplo an o USA kana bi implementirinel pe o makedonikano modaliteto. An i themakiri administracia aso "makedonikani logika thaj eksperimento" i themakoro administracia bi ovel agjaar: Amerikancia 50 %, Kanagjania 20%, Meksikancoa 7%, Špancoa 6%, Italiancia 5 %, Kinezia thaj Koreancoa 4% Ircoa 2% Afroamerikancia 6%, Navaho indiancia 2%. Apači 2%, Siuksi2%, Irokezia 2%, Eskimia1% , Amišia 1%....
Dujto momenti si ko jekh interesno. Oficialno thaj jekhutni čhib an i sasti teritoria an i USA si anglikani. A savore džanaja kaj an o amerikansko kontinento 35% taro sa o dizutne keren lafi thaj španski sar dajakiri čhib, numa aso o oficialnol protokolo nane ni "Š" tari špansko čhib . A i Amerika si majdemokratsko them!
Nejse... Paralele isi tikno milioni, numa savo si o mesažo akalestar?
Si li akate logika? Sosoke siam amen ekstra pa te ova "averčhane"? Numa i analiza taro RDS ka džal majodoriga...(džala majodorig)
O stavi taro teskti si personalno taro RDS thaj si avri tari redaktorsko politika e web portaloske Roma Times.
