Jekh taro majbare problemia thaj socialno - ekološko problemi so beršencar si an o Skopjhe si o improvizirime khera telal o Kale, Vardarište thaj Keramidnica.
Salde an o Vardarište kote sako drom thabljola thaj isi dumani dživdinen paše 400 Roma. Saste an i Makedonia kote isi asavke improvizirime romane mahale hramosarel o "O2 Inicijativa"
Taro ekološko aspekti o problemi si baro- taro socialno aspekti panda majbari. Kotor taro akale persione si "fantomia" so nane len dokumentia , a kotor Roma izbeglice taro Kosovo . An o 2011 berš sine registririme 411 fantomia an i them so ko berš regulirinena paše taro 30 dži ko 50 asavke aktia.
O čhave so na džana an i škola si čhivde an i toksikacia taro odola improvizirime khera , thariba guma thaj aver materiali so an o jevend takjona a o biznisi taro odova so tharen kablia taro bakari so bikinel pe an o kaleo (1kg si paše 5 eura).
Aver pa khedena plastika thaj kartonia ko punktia soske 1 kg šišija si 13 denaria , a ko jekh bari vrekja plastično šišia si paše 3.5 eura
