Ki majbari garavin ko jekh privatno kher ko Zagreb o dervišia keren sine pire ritualia. Ko religiakoro transi biš Roma membrora ko purano islamsko phralipa, khelen sine sasti rakj. A o šejho posavel sine pe suvjencar , čhurika thaj mačete.
Akale lafencar jekh hrvatsko mediumi ilustriringja i semana ki jekh zagrebsko mahala kote o dervišia keren sine i 27-to rakj taro Ramazansko posti, rakj kana o allah mukhela piro rahmeti upral o muslimania, pendžarde sar lejle tu Kadr.
O žurnalistia notirinen sako momenti so isi ki semana . O posaviba suvjencar, e žurnalistenge mistično rituali molibaja thaj o sikaviba o baro respekti taro dervišia premal o Šejho.
Vakeran kaj o posaviba e suvjencar kote nane nisavi dukh nane nisavi notacia. Aso olende akava parapsihološko momenti vakerel o Profesori Dr Nenad Moačanin aso ko Istoria ko Filozovsko Fakulkteto kaj e dervišengere ritualia posavibaja si olengoro forma dživdipaske.
Odova akceptirinela o dersia, palo odova o rituali khelibaja e vastencar o gestikulacie sa dži ki esktaza kote na hošinela pe i dukh trujal odova posaviba em so nane rata.
O Moačanin vakerela kaj akale parapsihološko fenomeneske nane nisavo naučno notacia.
Ko teksti si akcentirime kote o berša so nakhle o Amerikancia dilindile palo Derviško ritualia. Numa aver diferencijaja o Amerikacoia na praktikujnen o posaviba e suvjencar sar rituali.
