Agorkergje 30 berša tari egzekucia e romansko diktatore Nikolai thaj oleskiri romni I Elena Čaušesku , so ande deciziaja taro askereskoro kriso sine notirime te oven egzekutirime ko 25 decembro 1989 berš.
O Nikoalu Čaušesku sine presidento ki Romania taro 1965 berš sa dži ki oleskiri egzekucia ko 1989 berš. I krisiba em egzekucia sine snimime kameraja. I video sig dikhle le sasti lumia, a i romansko televizia sikavgja ole nekobor divesa palo odova.
Ki bilačhi atmosfera sine phareste te anel pe deciziaso ka ovel e Čušeskoja em oleskiri romni. I decizia sine odova dekreto te anel o askereskoro kriso. Askereskere helihopterea ko 24 decembro ko Trgovešte ale o ministeriarakhibaske Stankulesku , o polkovnikia Gica Popa em Džon Nestor em o askereskoro ombdusmano Dan Vojnea, notary, advokati em duj kamermania em kapetani 8 askerenge.
Palo nekobor berša o limor taro Nikolau Čaušesku ulo than kote so arakhen pe oleskiri sledbenikia, so neko olendar em ko avdisutno dive si bibahtale em mangena ole. Paše jekvaš Romancia vakeren kaj o Nikolau Čaušesku sine politikani persona so khelgja pozitivno rolja ki historia e Romaniake.