Kerel pe lafi bašo 213 kosovakere romane našutne so 20 berša ačhile kočime ko sistemi.
Maškar olende si i phareste nasvali Jasmina Šakiri so nakhlja i golgota taro lavirintia taro makedonikano sastipe.
Jekh olendar si I familia taro Musli Šakiri so si len status sar begalcia. Oleskiri romni nasvalili, em o agorutne masekoa nakhena tari golgota džajbaja taro udar ko udar ko lavirinti sastipaskoro.
I Jasmina Šakiri, I romni taro Musli , si nasvali taro akrcinom ko kolun em si ki phari sastipaskiri situacia.
Oj em olakoro rom o Musliu em olengere ofto čhave ake 20 berša dživdinen ki them sarv našutne taro Kosovo. Olengere čhave prandingje pe , hemingje pe makedonikane themutnencar , ama ni jekh olendar dži akana na reslja makedonikano themutnipa.
Trujal so isi len niami ki sastipaskiri protektiva sar sa o dizutne , an I praktika ola arakhen pe pherdo problemia. Vakeren kaj isi masekoncar ten a ovel len sastipaskoro siguriteto sebepi barikade ko administrativno sistemo.
I Jasmina vakerel kaj pukjinel peske participacia sar sa o pacientia trujal so sasljaripa akale nasvalipaske si bilovengoro. O fiskalno kvitungo sikavela kaj akaja phareste nasvali romni pukjingja 3.700 denaria (pađe 60 eura) te šaj lel o rezultati tari biopsia.
Taro instituto baši patologia na sine lenge importantno kaj so ola socialna kategoria dizutne em si la socialno 3.500 denaria (58 eura). Paralelake , participacia asvake kontrolake sar biopsia si 150 denaria (2.5 eura).
Akaja familia si salde jekh taro buteder kote upreder 20 berša isi len akava problem em olengiri integracia an o sistemi si našajdutni. Trujal so ko lil isi lens a o niamia sar e averen, an I praktika isi aver nebuloze.
E phareste nasvale Jasminake valjani sasljariba , te lel pi terapia baši dukh so ko momenti si but phareste resel dži olate. Sastipaskoro siguriteti em sastipaskiri protektiva si prioriteto em jekh taro majbare problemia so isi akale kosovakere Romen so ake 20 berša si čhivde majtele ki agenda, so na dikhel pe o iklljojbe akale situaciatar.
