O Beograd kergja kontrakto te lel 300 kontejneria so si bapi akomodacia e Romenge a i buti si dendi palo dujto kerdo tenderi.
E dizjakoro šerutno taro Beograd o Dragan Djilas o avgo tenderi kergja le navalidno soske sine le uči moldi. Te šaj len pe o kontehjneria ko agor trubul te hulaven pe paše 700.000 eura.
- O avgo tenderi so agorkergja angleder 45 divesa – vakergja o Gjilas. Resle 3 tenderia a salde jekh sine validno a I moldi sine paše 1.6 milionia eura. Rodingjem te tiknjaren I moldi a ola tiknjargje la salde duj procentoa.
Na manglem em palo odova hramosargjem dujto tenderi . Palem resle trin opcie em ko agor tet- a tet phanlem kontrakto ko moldipa taro 700.000 eura.
O kontejneria aso o kontrakto ka keren pe ekspertoncar tari Europakiri banka so ka vakeren kaj ka oven ola stacionirime ko save romane mahale. Amen siem hazri dži ko agor e masekoske avgust de dislocirina e Romen so si telal i phurt „Gazela.“