O ekološke akcie thaj eko patrole so implementirinen pe ko trin romane mahale: Sredorek, Bavči thaj Baraki ki komuna Kumanovo, mangipaja te vazdel pe I gind ko Roma te šaj ikeren užardo dživdipaskoro trujalipa em pošukar šartia dživdipaske.
Akala aktivitetia si kotor taro proektia “ Užardo trujalipa- sasto dživdipaskoro trujalipa” ko Cwentro e romane jekhinake DROM –Kumanovo, so implementirinel pe ko pervazia taro Regionalno programa tari lokalno demokratia bašo Paščimalo Balkani – ReLOaD, so si finanasirime tari Europakiri Unia (EU), a implementirinel ola I Programa buvljaripaske taro Unime Nacie (UNDP).
O Proekti trubul te del suporto te iranen pe dživdipaskere tabiatia taro Roma em te vazdel pe I gind te šaj ikeren uže e dživdipaskoro trujalipa.
Ko teren akana patrolirinen štar persone, so isi len obligacia te dikhen ko odova kerel toksikacia e dživdipaskere trujalipaske.
