Ko Bujanovac ko Savato ko 18 Januari ki romani mahala popendžardi sar Drom bašo Gnilane sine bari jagali stihia.
Ki odoja bari jag saste thabilo jekh kher tari jekh romani familia , a aso policiakere informacie bahtake bizo manušikane viktimia, ama bare materialno zijanea, kote thabilo o sasto kher em sa so isi andre.
Premal o informacie faktori akale bare jagake si majpakjavutne elektrikani instalacia.
I bari jag sine pasše 19:40 o časo kote ko than e bibahtake iklilo salde jekh mujaljagakoro vordon , so palo nekobor saatengiri intervencia reslja te lokalizirinel i jag.