Еколошки акции и еко патроли се спроведуваат во трите ромските населби: Средорек, Бавчи и Бараки во Општина Куманово, со цел да се подигне свеста кај населeнието за одржување на чиста животна средина и да се подобрат условите за живот.
Овие активности се дел од проекот „Чиста околина - здрава животна средина“ на Центарот за ромска заедница ДРОМ - Куманово, кој се спроведува во рамките на Регионалната програма за локална демократија во Западен Балкан – ReLOaD, која е финансирана од Европската унија (ЕУ), а ја спроведува Програмата за развој на Обединетите нации (УНДП).
Проектот треба да помогнеме да се сменат животните навики на граѓаните и да се подигне свеста за одржување на чиста животна средина.
На терен веќе патролираат четири лица, кои имаат обврска да внимаваат на загадувачите на животната средина.