O specialno reporteri taro UN so opservirinela o ekstremno čorolipa em manušikane niamia o Filip Alston lipargja i Španija sebepi i koorelacia taro o čorolipa akcentirinel kaj o post –krizno em ekonomikane politike ki odojathemsi kotor taro barvale kompanie em but negativno reflektiringja pe upral o čorole.
O Alston ko paraštuj ko Madrid vakergja: Ko ekonomsko plani i Špania tergjola but šukare“
“O učo BDP , o uče plate prekal o manuša , em barabutno barvalipa. Ko sasoitne aspektia aver si o realiteto: I Špania si but tele jali paše majtele taro aver faktoria”
O Aliston vakergja kaj majproblematično faktoria si kherutnipa, buti, , minimalno plata em i edukacia. Ov vakergja kaj o džuvlja , o čhave, i romani jekhin em o migrantia si majtelune.
Ov notiringja kaj sine le dikhiba e romane grupenge so „dživdinen ki deponia“ em o bukjarne o migrantia ko utar e themake „so dživdinela majpakjavutne ko but bilačhe šartia so nekana dikhlja olen“
E španiakoro govermento panda na dengje komentaria taro o resultatia taro raporto taro akava stručnako tari UN.