I avgo pendžardi kolor fotografia ko reoni tari nekanutni Jugoslavia , si romano čhavo pe drom, kote ko vasta si le kjemana. O anava akale romane čhaveske thaj i lokacia si napendžardi. I fotorgafia legarel anav „ Romano čhavo kjemanaja“ a o berš kana si kerdi si 1907 jali 1908.
Kerdi si autohrom tehnikaja , a avgo drom prezentiringje ola o phralja Limier ki piri fabrika ko Lion persi berš.
Olakoro autori si o Gjorgje Stanojević, srpsko fizičari , astronomi, rektori ko Universiteto ko Beograd, so si biame ko Negotin ko 1856 berš, a mulo ko Pariz ko 1921 berš.
O Stanojevič si pendžardo so kergja avgo roš an i Srbia.
Ov piro dživdipa em buti lipargja la baši nauka . Ov sine pioniri ki elektrifikaci em industrializacia ki Srbia , autori ko pobuter naučno lila em proektoa ko umalja tari astrofizika em autori e anavkerde fotografiake.
Oleskere angažmanoa o Beograd ko 1893 berš reslja i termoelektrana , em e srpsko šerutni diz sine maškar avgo dizja so sine la električno tramvajo em elketrično bandere.
Link: https://www.ngportal.rs/djordje-stanojevic-naucnik-koji-je-osvetlio-srbiju/
