I Europa taro kontinetia si majastardi tari pandemia kote isi 1 447 998 nasvale em 140 645 mule.
Taro avdive majbaro numero taro thema startujnen te čhinaven kotor taro restriktivno aktia implementirime sebepi I pandemia taro Covid-19.
I Italia sar najpahreste astardi europakiri them tari I pandemia taro avdive mukhel pe dizutnen te šaj džan ki visita pire familienge , em te kheden pe ko limitirime grupe. Taro avdive phraven pe o parkoa, ama te ikeren fizičko distance. O butikeriba ko tamikeriba em trgovia ko baro saste si mukhle.
O kafičia , o restorantia em o baria ka phraven pire kujne am aka bikinen salde hajbe khereske. O škole aso neve aktia ka aćhon phanle dži ko septemvri. Ačhola limitirime o phiribe taro jekh dži ko aver regioni. O maske ka ove aktivno ko aeroportiay em statsionia em javno transport. Taro avdive mukhle si dromaipaskere ujrariba ko aroportia ko Sampino ko Rim em Peretola ki Firenca, so sine phanle sebepi I epidemia.
I Špania da si učeste primal o numero nasvale taro Covid 19 ki lumia, taro avdive mukhel te phraven pe o tikne šoping centroa sar so si frizersko salonia so šaj aven klientia so sine len anglutne kerde terminia. O baria, kafičia em restorantia sar ki Italia ka bikinen hajbaske em pijbaske samo khereske.
O škole ačhona phanle dži ko septemvri.
