O Samka Ibraimovski – PCER si borčlie paše 12 mile eura , o konto si blokirime,sar ola funkcionirinena?

Sar anglutne agjaar em akana o TV BTR Nacional sar firma em olakoro gazda vakerena kaj sebepi o borči baši pukjimi politikani programa em kerdi kampanja ko 2011 berš kana sine o anglobakteskere Šparlamentarno alusariba kote sar lideri taro PCER o samka Ibraimovski ulo deputati ko Parlamenti, trujal so nakhle paše 9 berša panda nane pukjime o love so si borčlia premal o TV BTR Nacional.

 

Oficialno aso odova borči sine vazdime izvršno akti kote palo odova o konto taro PCER si blokirime.

Prekal i notacia taro o gazda taro TV BTR Nacional i partia PCER si blokirime soske si borči akale mediumeske 288.864 denaria. Sebepi ko navakti pukjiba i kamata si iskalkulirimi 302.832 denaria.

 

Ko jekh sar notarsko em advokatsko harči si 13.963 denaria em kalkulirimi kamata taro 14.590 denaria .

Sar kriseskoro borči vakerel pe kaj o PCER trubul te pukjinel panda 14.044 denaria em kamata taro 13.204 denaria.

 

Ko jekh o PCER si borči em prekal i Apelacia taro  8.284 denaria em kamata taro 7.239 denaria. O barabutno borči legarel 663.022 denaria ama trubul te dopheren pe odothe em kamata taro  63.000 denaria em advokatsko borčI ko učipa taro 6.136 denaria. Tegani ikljola kaj o PCER sar partia si boričI taro paše 730.000 denaria jali 12.000 eura.

 

Dela pe o pučiba ako o konto taro PCER si blokirime sar funkcionirinel odoja partia? Sar pukjinen pe olake o love so finansirinel e partia i them.? TV BTR em poodoriga prekal jurisdikciakere instrumentia ka informirinel savoren save aktia ko avutnipa ka lel te havel pe o čačipa em o funkcioniriba e partiake PCER?

Pin It
FaLang translation system by Faboba

Mangava te vakerav

Momentalno Online

       Isi 103 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali