O dromarutne so resen ki Germania taro uče rizično thema ka trubul te oven testirime ko germaniakere aeroportoa. Sako ko kamel te khuvel ki Germania em avel tari uše riziko thema taro koronavirusi ka ovel kerdo testo taro Covid 19 kana ka resel ko aeroporto , angja decizia o germansko ministeriumo sastipaske.
O North Makedonia sar egzamplo si uče rizično them em o nevo akti ka akceptirinel em e makedonikane themutnen. Dopherde o akti si validno em e germansko themutnenge so iranen pe taro riziko thema.
O aeroportia si sekirime akale akteske em rodena o legaripa te kerel o testi a na o bukjarne ko aeroportoa.
“te mangle e sastipaskere bukjarne asavko sig testi tari savo bilo forma tegani ola valjani korkoro te keren odova testiriba” akcentirinel pe ki vaktavin taro germansko asociacia taro aeroportoa. „Ola valjani te anen I decizia si ka keren e dromarutnencar so si pozitiv ko testi”.
O bavarsko peremieri Markus Zeder ko kurko havljargja kaj ki odoja pokraina ka instalirinen centroa testiribaske ko aeroportoa kote “sako so ka kerel testo ka ovel bilovengoro ko sako vakti”.
