Džanaja kaj deceniecar napalal , trujal „pherdo muj“ akcentirinel pe kaj isi bukjarne Roma si li odova ko themakoro jali privatno sektori, a i situacia si saste javer čhane. Em okova tikno kotor taro Roma so si ki Buti angažirime si ki majlokhi forma so nane sigurno a odova si Limitirime kontrakti bukjake. So si o benefitia akale bukjarnipaja na trubul te hardžina lafia. Majabro benefiti taro odova si le e kompanien em firme so čhiven ki buti Rome a len finansisko infuzia tari them em si „tikne vaktea. Desavo periodi si a palo odova? Dažanel pe – nane khanči siguritetno. Ko than odoleske baro numero romane NGO , asociacie em avera so keren odova aktiviteto ki Romani jekhin „jekh toni“ lila hardžingenhramosariba em deiba akciono plania em strategie akcentea e Romane jekhinake a i them odova sa čhivel nesar telal „tepiho“. A sa odola akcisko plania em propozalia kerde si e Romenge te šaj arakhen pe desave savakteskere faisalia ko ekonomikano em finansisko progres Ama odolestar khanči. Khuven Roma ki buti ama limitirime vaktea ko 3,6 masekoa A palo odova –sastope! Em save benefitoa isi odolestar Odova Rom ka lel desavo periodo minimalno plata numa bizo benefiti socialno em sastipaskoro siguriteto regresi, em aver. O kompanie lena love baši butikeriba asasvki kategoria manušenge sa ko vakti isi hairi odolestar. Valajni i them te kerel realizacia lungo vakteskiri strategia e romane jekhinake te našel pe taro riziko socialno em ekonomsko athinalipa, em te tiknjarel pe o nivelo te lel pe socialno arka.
Jekh kinekso vakerin vakerela: „ O dendo mačho si hajbaske jekh dive. Sikav man te astarav mačhen te šaj ahava sasto dživdipa“.
