Premal leskere lafia o ratvariba so sine faktori te ovel meripa , šaj sine te ovel čhinavdo dži kote o doktoria so kergje kontrola e romanjake , te ačahven la sine ko hospital, ko than te iranen la khere.
Akava meripa e 40 beršengere Kadria Jašari em olakoro bebe ki Klinika baši Ginekologia akala divesa sine importantno informacia ko mediumia. I Rom e mule Romnjakoro Sedat Jašar bašo medium “Sloboden pečat” vakergja kaj akava si doktorsko feleri a o čačipa sar so akcentiringja ka rodel prekal o institucie em krisoa. Premal leskere lafia o ratvariba so sine faktori te ovel meripa , šaj sine te ovel čhinavdo dži kote o doktoria so kergje kontrola e romanjake , te ačahven la sine ko hospital, ko than te iranen la khere.
Ole sine le dikhiba e legarutnencar taro GAK em e doktorea so primingje oleskere romnja. Javere rigatar I direktorka tari Akušersko klinika baši ginekologia Viktoria Jovanovska, vakerela kaj o doktoria kergje sa te kurtalinen e romnja em e bebe.
– Akava si avgo drom te merel amenge khamni romni ko GAK, sar so me aljum sar direktorka. O doktoria kergje sar te šaj kurtalirinen e Romnja em e bebe numa alo dži ko abrupcia (odlepingja pe o gad ), em kergja o bebe te merel, a palo odova taro baro ratvariba muli em I khamno romni. Amende sine duj anesteziologia ki smena , em panda dujen akhargjem te aven kheral, vakerel I Jovanovska em vakerel kaj džanel kaj si but bibahtali I familia ama čhudel o pakjajbe kaj o doktoria kergje feleri.
Premal o doktoria I muli Romni sine la 40 berša. Odova sine lake 11 khamnipe isi la štar čhave bijame dživdie eš šov abortusia. I dežurno ekipa ki Klinika vakerena kaj alo dži ko intrauterno meripa e fetuseske sebepi abrupcija.
„Pali kerdi intervencia sine legardi ki šok soba kote trujal I intenzivno reanimacia prekal o protokolia, olakiri situacia na lačhargjopvel sine kote palo odovo o sasto timi taro ginekolozia em anesteziolozia angje decizia te kerel pe revizija. Oj si kerdi em trujal o dendo zori taro o sasto timi te ovel krtalimi I pacientka, oj muli” si ki vaktavin taro GAK.
Link: https://www.slobodenpecat.mk/soprugot-na-pochinatata-rodilka-pravdata-ke-ja-bara-na-sud-video/
Youtube:
