Baro numero rizikoa ka stratujnel o nevo sikljojbaskoro berš vakergja I ministerka baši edukacia. I nacionalno platforma on line sikljojbe akanaske na funkcionirinela, kana erati o sikle taro sa fundavutne em maškarutne škole resle propozaloa sar te khuven ki akaja platforma ki on line edukacia.
Numa fundavutne thaj sar motivi si sar ka dikhen i edukacia okola čhave so phareste agorkjeren o masek hajbaja. Sar ka šaj on line edukacia ka keren o čhave so si socialno ekonomski čorole?
Premal o notacie taro olengere jeria odola lap-top kompjuteria so si len sa o specifikacie optimalno te kerel pe on line edukacia ko odola dukjania baši IT tehnologia ki them si upreder 300 eura.
Odothe trubul te khuvel i kalkulacia em i internet opcia taro makedonikane operatoria so pukjinel pe ko masekoskoro nivelo.
Šaj li sa o jeria te mukhen peske akava luksuzi te šaj olengere čhave te keren on line edukacia?
Te našti tegani olengere čhave ka valjani te oven fizičko ki škola. Akalestar ikljola kaj odola čhave si čhivde ko riziko te nasvaljoven taro COVID 19.
Te šaj olengere jeria keren peske „luksuz“ te ovel olen lap-top tegani olengere čhave ka ovel len privilegia te keren on line edukacia. Akalestar ikljola kaj ki amende i edukacia si privilegia, a na fundavutno niami.