I Dragana Mirković kurtalingja o dživdipa taro olakoro lungoberšengoro amal o Žan Klod Van Dam agjaar so arakhlja e majšukar dokotoren ki Viena so ola operiringje ole. O pendžarutno holivudsko akteri lungo berša sine le problemia e prostataja , a e sastipaskiri situacia uli leske panda pološno trubul sine urgentno te kerel intervencija.
I giljavutni em olakoro rom o Toni Bjelić havgje baši intervencia a pendžaren baro numero šukare doktoren vakergje lenge odole sastipaskere problemeske emo la vakergje majsiga te kerel hiruško intervencia.
I Dragana em o Toni kergje te astarel pe lačhi konekcia so ka den suporto olengere amaleske. Ola mangen pe sar te oven em familia. I klinika kote o Žan Klod operiringja pe si jekh taro majšukare ki Europa. Odothe operirinena pe političaria . čerenja taro šou biznisi em aver. Garantirimo si privatno momenti, majšukar arakhiba ama trubul te pherel pe jekh šarti – a dova sit e ovel tut hor džepa.
