Kamendin ko Zemun Polje si jekh taro raritetno proektoa ko socialno kherutnipa ko Beograd. O problemi e manušenge so bešen ko odola socialno apartmania ko Kamendin iklile anglal ko jakha kana havgje kaj i them arakhlja lenge akomodacia ama bare režisko benefitencar.
“Anglal te avav ko Kamendin bešav sine ki Čukarička padina me familijaja ki jekh Baraka. Ko konkursi lelem akava stani. Te džanav sine kaj odokhare uče si o kirie nane sine nikana te avav.” Vakerel jekh taro stanaria.
Ko Kamendin si paše 80% taro socialno apartmania so si ko regioni taro Beograd. Ko pučiba si jekh segregirimi mahala so si ki periferia taro Beograd so si dur 17 km taro centro e dizjake. „Akate isi socialno peravdi kategoria manuša, invalidia, mentalno nasvale, Roma thaj avera“
Šarti te resel pe apartmani ko Kamendin sine o tikne love akale familienge. Numa sar ale iklilo kaj o režisko kirie si but bare so resena em 200 eura ko masek. Trujal odova o manuša akate pukjinen em stanarina em danoko bašo stania, so si but kontradiktorno soske ola nane ni gazde odole stanonge.
