Premal o direktori tari organizacia Phravdo sasoitnipa (Otevřená společnost) i Marta Smolikova e ćehiakoro nacionalno ombdusmano Stanislav Kžešek valjanti te del ostavka soske na manglja te notirinel kaj isi diskriminacia mujal i romani nacia. Odova vakergja le ki programa taro radio programo Proglas 13+.
Phravdo lil signaturaja taro representoa e organizaciakere so keren promocia ko manušikane niamia , manuša so arakhen pe diskriminaciaja em romano minjoriteto akharen e čehiakoro premieri Andrej Babić (ANO) thaj membrora ko Parlamenti te distancirinen pe ko anti-romani notacia dende taro nacionalno ombdusmani em sine kerdi diskusia. “30 berša napalal keribaja integracia e Romenge, khanči na irangja pe . I situacia si panda majbilačhi , sa pobuter romane čhave na džana ki škola buteder nane hazri te kerern buti , bajrol o bibukjarnipa em bajrol i getoizacia.
Numa kritički notirinav kaj na troma te te kera odovca majbut , trubul te irana i situacia , odova si sar antiromano atako . Odova si egzamplo kote arakhel pe o diskursi ki integracia e romane naciake ko akava momenti” o nacionalno ombdusamni komentiringja ko pučiba te komentirinel o putardo lil.