Ko Niš isi pandž romane mahale. Majpurani si i Beograd mahala si si kerdi angleder 100 berša. Ko 1924 jali 1925 berš uli i mahala Stočni trg. Majanglal akate avile 5-6 familie. Avdive akate bešena 1680 Roma so si phureder taro 18 berš ko 280 khera. I mahala 12 Fevruari si fundirimi taro 1945 godina, Avdive ki odoja romani mahla isi paše 120 khera em 700 Roma. I Mahala Jevrejsko groblje majanglal araskhel sine la jekh rom pire familijaja, Ko 50-to berša nakhle vekoske ov avilo akate kergja peske kher em bešel sine pe familijaja, apalo oleste avile panda avera Rom. Majpaše dži ko aniba DUP si i Beograd mahala. I mahala Stočni trg prekal o plansko dokumentia jekh kotor si kerdo bašo khera, a o javer kotor ka valjani te dislocirinen pe.
I mahala Crvena Zvezda ko odova than si planirime te kerel pe kompleksi taro biznis trgovsko centroa soske o than si privatno em odothare ka oven dislocirime sa o Roma.
Ko jekh si sigurno kaj ka dislocirinen pe em o roma taro Jevrejsko groblje, Numa kana ka ovel odova ni jekh nadžanela. Kana isi politikano mangipam nane love, kana isi em love em politikano mangipa o rpoblemi si jurisdikciakoro. A odova si beršencar em deceniencar...