O Dragan Mutibarić (75), jekh taro legende ko makedonsko sporti, o legendarno golmani ko Vardar akala dive arakhel pe e majphare momentencar ko plo dživdipa. O nekanutno reprezentativco em idoli buteder generacienge akana sig sine le damla so ačhilo bizo te paj te phirel.. O Mutibaril akana nasvalo oleste dikhel le leskiri romni i Milica so vakerel kaj bizi late si sar našavdo.
– Problemi si so sine man damla so sine le angleder 15 berš. Legargje man ko hospitalo odori sium sine 12 divesa , Akana sium khere. Sasljarav man. O doktoria mukhle man a na vakergje mange so te kerav.
I situacia si mange katastrofa. Kana alo vakti te del pe suporto nane niko, vakerel o Mutibarić so trujal so si le minimalno penzoa a mangel te del apel bašo suporto.
– Ladžava te rodav prrkal o mediumia. Asavko sium. Si man tikni penzia. Paše si 225 eura. Našti resav odole lovencar khanči. O medikamentia si kuč . Odole penzijaja dživdinaja me em mi romani so nane la penzia vakerel o Mutubarić so ake efta berša kerel zori prekal i Agencua ternenge em sport te paj lel finansisko suporto sar baro sportisti.
Ko si o Dragan Mutibarić?
Oleskoro anav sar golmanu majbut phanela pe e Vardarea em sine reprezentativco ki Jugoslavia. Ki sezona 1966/67 ko goli taro Vardar sine akaja legenda o baro Dragan Mutibarić. Ko 1969 berš sine noirime sar sportisti ki Makedonia.
Taro Vardar gelo ko germansko bundesligašo Šalke 04 (1975-1977), plo odova ki Trepča, palem ko Vardar, pa ko Teteks, Makedonia Gjorče Petrovm em ko FK Napredok Šuto orizati kana presidenti sine o Amdi Bajram kte so ov vakerel kaj sine jekh taro majšukare presidentia kasaja kergja buti em but mangela e Romen.
