O Netvorko akcepciake bašo sistemsko em savakteskere faisalia ki integracia e Romenge bičhavgja phravdi reakcia sebepi editiribe Oficijalno digitalno ki makedonikani čhib ko istemalkeriba teleperavde vorbe mujal o Roma . Phravdo rodela pe taro Institut I baši Makedonikani čhib "Krste Misirkov" ko momenti te ikaven sa akala bilačhe vorbe mujal o Roma. Sa akava ulo kana o makedonikano Govermenti kergja promocia veb –platforma www.makedonski.gov.mk – digitalna verzija. O Digitalno alavari si le 100.000 lafia maškar so thaj o CIGANČE, POCIGANI, CIGANČI SE, CIGANŠTIJA I CIGANŠTILAK! Akava nevo jail digitalizirimo alavari kerel palem o feleri ko anglutni verzia so valjani te reformirinel pe.
Pali I reakcia ko socialno netvorko em reakcias taro pobuter romane organizacie o govermenti taro Republika Utarali Makedonia dengja antvorto ko kerde kritike em vakergja kaj akala lafia ka oven chidime. O Instituti makedonikane čhibjake havela I reakcie tari Romani jekhin em vakergja kaj odola lafia ka oven chidime taro alavari. O govermenti seljaminkerel o proaktiviteto tari romani jekhin.